Ba

De Wikipedia
Ch't' articl'ye fut c'menchie en Jèrriais
D'l'architectuthe dé Ba

Ba (audgo Ba; en Angliais Bath - bain) est eune ville historique en Angliétèrre tch'a 'té connue pouor ses fontaines dgéthisseuses dépis les touos vièrs temps.

S'lon la légende la ville fut fondée par lé prînce lêpreux Bladud tchi fut fliantchi hors la cour et allit souongni des bêtes à saie. Un jour, i' viyit coumme tchi qu'les bêtes à saie lus vouaûtraient dans l'caud pité à seule fîn d'lus dgéthi. Né v'là coumme tchi qu'i' s'èrdgéthit.

D'vièrs 44-60 les Romains bâtîtent un fort auve des bains et un templ'ye dêdié à la déêsse Celtique des ieaux Sulis. La ville Romaine avait nom Aquae Sulis (les ieaux à Sulis). Les Saxons prîntent la ville en 577.

Au 18e siècl'ye Ba attriotchait l'monde faichonnabl'ye et la ville a d'l'architectuthe Georgienne bein admithée.