Batâle dé Flieurs

De Wikipedia

La Batâle dé Flieurs (audgo Batâle dé Flieurs; en Angliais: Battle of Flowers) est eune fête en Jèrri et en Dgèrnésy.

La Batâle dé Flieurs en Jèrri[amendaer | modifier le wikicode]

Ch't' articl'ye fut c'menchie en Jèrriais
Les Vikings des "Optimists" gângnîtent lé Prix d'Excellence en 2007

La preunmié Batâle dé Flieurs eut lieu en mil neu chents deux pour célébrer la coronâtion du rouai Douard Sept et d'la reine Alexandra et oulle a continnué avaû l's années à l'exception du temps des deux dgèrres mondiales.

La preunmiéthe occâsion fut un té grand succès à cause du grand nombre dé participants auve lus cârrosses décorées qué chutte fête dévînt eune fête annuelle, et ch'tait seulement duthant l'êté dé mil neu chents quatorze quand les gens lus prépathaient pour eune autre batâle qué la fête arrêtit.

La Batâle dé Flieurs èrquémenchit en mil neu chents vîngt-deux comme partie d'la fête du Village d'La Preunmié Tou à St. Hélyi et continnuit jusqu'en mil neu chents vîngt-sept et avait lieu dans l'par d'à côté.

En mil neu chents vîngt-huit ch'tait la Chambre d'Conmèrce tch'en prînt chèrge, et ch'tait lé c'menchement d'la Batâle à Springfield à St. Hélyi, et oulle y continnuit jusqu'au c'menchement d'la S'gonde Dgèrre Mondiale.

2006

Auprès l'Otchupâtion, pour cêlébrer la fête d'la Grande Brétangne en mil neu chents chînquante-tch'ieune, la Batâle èrquémenchit, mais chutte fais sus l'Av'nue Victoria, dé West Park jusqu'à La Preunmié Tour et y continnue jusqu'au jour d'aniet.

D'abord, les exhibits 'taient flieuthies auve des palmes, mais nou-s'a tchilyi des pliantes sauvages et tchultivé des cliôsée d'flieurs bein spécialement pouor la fête.

Jusqu'ès années 1960 y'avait eune vraie batâle à la fîn d'la pathade quand the gens tch'avaient bâti les fliottes soulaient êraichi les flieurs pouor les pitchi dans l'audienche, et l'monde à dgetter à haler des flieurs desbords d's exhibits pouor les èrpitchi ieux étout. Mais nou criyait qu'i' y'avait trop d'dangi dans eune bastaude d'ité auve lé grand nombre dé gens, et ch'tait pitchi qu'les fliottes fûssent dêtruits si vite, et la "batâle" fut arrêtée.

Pus tard, eune deuxième pathade du sé fut întroduite quand les fliottes sont êcliaithies.

Aniet la construction et l'flieuthissage des exhibits sont dév'nus hardi complyitchis et couôtageurs et nou-s'a alloué l'întroduction dé flieurs en papi.

Lian hors[amendaer | modifier le wikicode]

Y a co' de quei à vei' ou à ouï' entou'
Batâle dé Flieurs
sus les Coumuns à Viquipédie