L'Êclon

De Wikipedia

Ch't' articl'ye est liée doubl'ye : vaie Êclon (frouque). 

Ch't' articl'ye fut c'menchie en Jèrriais
Vincent Van Gogh fit un portrait d'l'Êclon

L'Êclon (Guernésiais : Lé Tchériot; Serkyee : La Kyerüü) est un astérisme (ou populaithement, eune constellâtion) tchi s'trouve dans l'ciel dans la constellâtion Ursa major. Ch'est ieune des constellâtions les pus r'connues d'l'hémisphéthe du Nord.

Dans la mythologie Grècque, Zéus tch'avait dêbaûché la nŷmphe Callisto, la changit en ourse à seule fîn d'la saûver d'l'èrgolinne d'la déêsse Artémis. I' la pliaichit acanté san fis dans l'ciel coumme eune grande ourse et un p'tit ours.

S'lon des tchultuthes, nou-s'a veu eune ourse dans chutte racachie d'êtailes. Les Romains y viyaient sept boeux. En Afrique, nou-s'y viyait eune dréch'rêsse, ch'est en tchi l's escliaves env'yées en Améthique du Nord avaient ofûche apporté chu nom acanté ieux et né v'là pouortchi en Angliais Améthitchain nou-s'appelle chutte constellâtion Big Dipper (grande dréch'rêsse). En Angliais Britannique nou dit Plough (tchéthue) mais par des bords étout nou l'appelle un tchéthiot et chenna en génétha dans les langues Gèrmanniques.