Saint Georges
(Èrdirect dé par Saint George)
- Cotentinais : saint Jore
- Guernésiais : saint George
- Jèrriais : saint George
Ch't' articl'ye fut c'menchie en Jèrriais
|
Saint George est un saint Chrêtchien tchi vivait d'vièrs lé 4e siècl'ye. Il est l'patron d'l'Angliétèrre, d'la Georgie, d'Moscou, des soudards et tout chenna.
Y'en a tchi dithent qu'chu saint est pustôt mythique. Et ch'est bein seu qu'i' n'y'a rein d'connu pouor cèrtain entouor sa vie. I' 'tait vénéthé dans l'Êst du Mitan par l'6e siècl'ye et ch'est pôssibl'ye qu'il éthait peu d'meuther en Palestinne ou bein dans la région Cappadocienne du pays tch'est achteu la Turtchie.
Duthant l'Mouoyen Âge, la légende dé Saint George et l'dragon d'vînt populaithe. Ch'est probabl'ye qu'les soudards Crouaîsis èrvîntent des Crouaîsades et rapportîtent la vénéthâtion du saint en Angliétèrre et en Ûrope du Vouêt.
La Saint George est l'23 d'Avri.