Sainte Mèrdgitte

Ch't' articl'ye fut c'menchie en Jèrriais

Dans les portraits nou mouontre la sainte acanté san sŷmbole, lé dragon

Sainte Mèrdgitte d'Antchioque est eune sainte tchi 'tait populaithe auve les Chrêtchiens d'Ûrope au Mouoyen Âge ouaithe qu'oulle eusse 'té dêcrite coumme înmaginnaithe dépis les preunmié siècl'yes. Y'a des théories qu'sa légende est eune vèrsion Christiannîsée des mythes d'Aphrodite, mais tout ch'qu'nou peut dithe pouor seux est qu'chutte sainte est eune criâtion littéthaithe.

S'lon la Légende d'Or, ou 'tait la fil'ye à un prêtre païen d'Antchioque. Parmi ses mithacl'yes, ou fut avalée par un dragon. Ou fut exétchutée en l'an 304.

Oulle est identifiée auve la Sainte Mathinne dans l'Églyise dé l'Êst. Sa fête est l'17 d'Juilet.