Împérialisme

Ch't' articl'ye fut c'menchie en Jèrriais

Chutte sornette en portrait mouontre les pouvièrs împérialistes du 19^e siècl'ye (c.-à-d., Empire Britannique, Empire Allemaund, Empire Russe, Traîsième Républyique Fraunceise et l'Empire du Japon) à coper un pâté tchi r'présente la Chinne

L' împérialisme est eune politique tch'êtrueûle lé pouvé d'un pays ou êtat sus d'aut's pays ou tèrritouaithes pouor graie un empithe.

Nou peut distîndgi l'împérialisme colonnial, ou l'colonnialisme, l'împérialisme êcononmique et l'împérialisme tchultuthel. Ch'est en tchi un pouvé împérialiste peut contchéthi un aut' pays militaithement ou en gaffer les c'mandes par l'înfluence êcononmique ou tchultuthelle.

Nou peut vaie lé c'menchement d'l'împérialisme Ûropéen au 16^e siècl'ye quand d's êtats fondîtent des colonnies en Afrique et en Améthique à seule fîn d'y minner. Au 19^e siècl'ye les pouvièrs împérialistes chârîtent les tèrritouaithes en Afrique.