Andrei Diev
Ch't' articl'ye fut c'menchie en Jèrriais
|
André Borîsovitch Dîev (en russe: Андрей Борисович Диев) est un pianiste cl'yassique d'originne Russe et un professeur d'lé Consèrvatouaîthe Êtatale dé Moscou.[1]
La Biographie[amendaer | modifier le wikicode]
André Diev fut né lé 7 dé Juilet 1958 à Minsk, en la République Soviétique Socialiste dé Bêlarus. Sa méthe, Rimma Dieva, fut eune pianiste cliassique et eune maîtresse d'êcole dé musique. Son péthe, coronel Boris Diev, fut un compositeur et chef dé musique militaithe. Il est un gradué dé l'Êcole dé Musique Centrale Moscovite et d'lé Consèrvatouaîthe Êtatale dé Moscou (1981, la clâsse dé professeur Lév Naumov).
Lé r'cord professionnel[amendaer | modifier le wikicode]
André Diev c'menchit à sonner professionnelmant en 1975 à l'âge de 17. Dépis qu'i' c'menchit sa carriéthe, André gângnit:
- lé Concours ès Pianistes dé l'Unnion Soviétique (1977)
- lé prix à lé Concours Întèrnâtionnal dé Santander (1978)
- lé prix à lé Concours Întèrnâtionnal dé Montréal (1980)
- lé Prix Preunmyi, la Médale d'or et lé Prix Espécial à lé Concours Întèrnâtionnal dé Tokyo (1986)
L's accomplyissements întèrnâtionnals fûtent împortants pouor l'êtablyissement dé sa carriéthe professionnel. L'èrconnaîssance rêsultit en les jouôthies à l'entout d'Âsie d'Êst et la pliûpart d'Ûrope. Andrei sonnit en lé Japon, l'Italie, l'Espangne, lé Cannada, lé Rouoyaume-Unni, la Turtchie, la Grêce, l'Allemangne, la Tchécoslovaquie, la Polongne et la Bulgarie. I' présentit auve l's orchestres dé BBC, NHK, RAI; l's orchestres symphôniques d'URSS, l'Êcosse et lé Montréal; l's orchestres philarmôniques dé Moscou, Leningrad, Zagreb, Sophie et Cracaû.
Ses r'cordéthies încliuthent des divèrses composîtions, tel qué les concèrts dé Mozart, Beethoven, Chopin, Schumann, etc. San aîdget originnal fut l'èrcordethie dé:
- les 90 Préludes dé Scriabine;
- les 24 Préludes dé Rachmaninoff et
- les 24 Préludes dé Debussy.
En 1990, Steinway & Sons încliuthit André Diev à sa liste des pianists pus populaithes d'monde.
En 1995, André r'chut lé titre dé l'Artiste Méthitouaithe d'la Fédéthâtion Russe.
Achteu[amendaer | modifier le wikicode]
Achteu, André Diev sonne des concerts et donne les maître-clâsses à l'entout d'monde. Il ensîngne à lé Consèrvatouaîthe dé Moscou, et i' fait partie dé la Sociête Philarmônique dé Moscou.[2]
Ses êtudgiants încliuthent: Eduard Kunz, Andrei Korobeinikov, Alexander Panfilov, etc.
En 2020, André co-opéthit auve la Maîson dé Musique dé Saint-Pétesrbourg à d'livrer eune séthie des maître-clâsses pouor les pianists en lîngne.[3]