Bourgaille

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Eune bourgaille

Eune bourgaille (audgo bourgaille) est un fricot tch'est eune manniéthe dé sannouiche faite d'eune ronde grîlyie dé viande hadgie dans eune molle ban'se.

Nou dit qué l'originne d'la bourgaille 'tait à Hambourg en Allemangne où'est qu'nou m'ttait des buts d'viande dans eune ban'se et qu'chutte couôteunme fut emportée en Améthique par d's émigrés - et v'là tchi baillit au fricot l'nom hamburger. Lé fricot d'vînt populaithe ès fêtes et dans des pars car ch'tait praticabl'ye à mangi en s'pronm'nant. Y'a des gens tch'ont 'té proposés coumme l'înventeu d'la bourgaille, mais ch'est un fricot sîmpl'ye tch'éthait peu êt' r'înventé pus d'eune fais.

Tout coumme, la bourgaille 'tait populaithe en Améthique pouor la Preunmié Dgèrre Mondiale. Auprès la S'gonde Dgèrre Mondiale quand Ray Kroc acatit l'conmèrce ès fréthes McDonald et lanchit eune chaîne dé restaurants.

La bourgaille est grée l'pus souvent auve d'la viande dé vaque, mais y'a des bourgailles au poulet, à l'angné ou végétariennes. Nou peut ajouôter d'la salade et des sauces et ofûche eune tranche dé fronmage.

Viyiz étout[amendaer | modifier le wikicode]

Commons-logo.svg

Y'a acouo d'tchi à vaie ou à ouï entouor
les bourgailles
siez la C'meune à Ouitchimédia