Chrêtchienneté

De Wikipedia
Ch't' articl'ye fut c'menchie en Jèrriais


Un sèrvice êtchuménique à l'Hèrmitage dé Saint Hélyi en Jèrri

La Chrêtchienneté (audgo Chrêtchienneté; Cotentinais : Christianême) est eune èrligion pratitchie par les Chrêtchiens, les cheins tchi craient qu'Jésû est l'Fis dé Dgieu.

L'histouaithe du c'menchement d'la Chrêtchienneté et tchiqu's'eunes d'ses crianches sont racontées dans l'Nouvieau Testament, tch'est eune partie d'la Bibl'ye. Tout coumme les Juis, les Chrêtchiens font sèrvi étout l'Vièr Testament (Ancien Testament) tchi raconte chein qu'les prophètes avaient fait et dit d'pis lé c'menchement.

S'lon les Chrêtchiens, l'Bouôn Dgieu s'exprinme en trais pèrsonnes: la Trinneté est l'Péthe, lé Fis et l'Saint Esprit.

Lé paîsson est un sŷmbole Chrêtchien viyant qu'san nom en Grèc fait sèrvi les lettres d'un diton)

La crouaix est un sŷmbole Chrêtchien, car Jésû fut crucifié et les Chrêtchiens craient qu'i' fut ressuscité auprès sa mort. Mais les preunmièrs Chrêtchiens faîthaient sèrvi un paîsson à seule fîn d'lus r'connaître viyant qu'i' 'taient pèrsétchutés. Quand l'empéreu Romain Constantîn atchilyit la Chrêtchienneté en 313, ou d'vînt eune èrligion d'êtat.

Y'a des pays achteu dans tchi la Chrêtchienneté est la r'ligion d'êtat.

D'pis les preunmié siècl'yes d'la Chrêtchienneté, les Chrêtchiens lus sont assembliées s'lon des difféthentes églyises dans tchi nou pratique parfais des difféthents sèrvices et couôteunmes et y'a des difféthentes crianches parmi l's églyises.

Y'a des Chrêtchiens tchi vénèthent les saints et l's icônes, et y'en a tchi n'aiment pon les portraits dans la r'ligion. Y'a des Chrêtchiens tchi sont seurvilyis par d's êvêques et d'aut's tchi louangent lé Bouôn Dgieu dans des congrégâtions gouvèrnées d'sé.

Viyiz étout[amendaer | modifier le wikicode]

Y a co' de quei à vei' ou à ouï' entou'
la Chrêtchienneté
sus les Coumuns à Viquipédie