France

De Wikipedia
(Èrdirect dé par Fraunce)
Sauter à la navigation Sauter à la recherche
Ch't' articl'ye fut c'menchie en Jèrriais Jèrriais
Fraunce
France
Flag of France.svg Armoiries république française.svg
France in European Union.svg
Devise natiounale Liberté, Égalité, Fraternité
Antienne La Marseillaise
Gentilitaé Fraunceis, Fraunceise
Laungue officyile fraunceis (laungues régiounales : normaund, bertoun, picard, bouorgùingnoun, gallo, fraunc-coumteis, berrichoun, chaumpeneis, lorrain, pouétevin, occitan, alsacyin, corse, basque)
Chef-luù Paris
Régime Républlique counstitutiounelle
Chef de l'État Président Emmanuel Macron
Prémyî ministe Édouard Philippe
Mounaie Euro
Faête natiounale 14 juillet
Graundeû de terran¹ 543 965 km²
Populatioun² 67 425 000 km²
Endreit de l'heure UTC +1 : (CET)
Adresse sus l'internet .fr
Code à phonaer +33
1 Chute graundeû ne coumpte paé les estuaires, les lacs et âotes graundes pyiches d'iâo pus graundes dé 1 km².
2 Ne coumpte paé les syins qùi sount déjà coumptaés dauns eun âote pays (étudiaunts, etc.).

La France (Normaund de la Graund'Terre Fraunce, Guernésiais Frànce, Jèrriais France) est un pays en Ûrope. Ch'est iun des membres dé l'Unnion Ûropéenne.

La France a tchiques tèrritouaithes hors Ûrope étout.

Histouaithe[amendaer | modifier le wikicode]

Quand les Romains contchéthîtent lé tèrritouaithe tch'est la France d'au jour d'aniet, la Gaule 'tait divisée en trais parties. La tchultuthe Romaine a laîssi d'l'archéologie et l'Latîn est dév'nu les langues Romannes qu'nou pâle acouo.

Avaû les siècl'yes, les rouais d'France avaient ramâssé des tèrritouaithes, des provînces et des pays pouor en faithe un êtat centralîsé.

La Révolution Française c'menchit en 1789. La preunmié républyique fut dêcliathée et en 1792 l'Rouai Louis XVI fut dgilliotinné, mais Napoléon d'vînt empéreu. Auprès la dêfaite dé Napoléon I à la batâle dé Waterloo, la monarchie fut restauré. En 1848 eune deuxième républyique fut dêcliathée, mais l'Prînce Louis-Napoléon fut voté empéreu et né v'là l'S'gond Empithe.

Duthant san règne, des proscrits lus abriaient ès Îles d'la MancheVictor Hugo s'n allit en Jèrri épis en Dgèrnésy.

D'pis la tchête d'Napoléon III en 1871, la France a 'té eune républyique.

Duthant la S'gonde Dgèrre Mondiale la France fut otchupée par l's Allémands et l'régînme dé Vichy collabouothait auve les otchupants, mais y'avait d'la Résistance et à la fîn la France fut libéthée par l'Alliés auve l'aîgue des forches des Français Libres. Auprès la libéthâtion, eune quatrième républyique fut êtablyie mais les gouvèrnéments 'taient pustôt faibl'yes et nou crititchait l'système parlémentaithe. Auve eune nouvelle constitution nou renforchit l'pouvé du président. La républyique d'achteu est la chîntchième.

Tchultuthe[amendaer | modifier le wikicode]

La France est bein connue pouor sa tchultuthe tch'a înfluencé d'aut' pays.

Dans la peintuthe, l'Împressionnisme, lé Fauvisme, lé Cubisme fûtent lanchis en France.

Dans la mûsique, Hector Berlioz, Georges Bizet, Claude Debussy, Erik Satie 'taient des compositeurs tchi sont bein connus l'travèrs du monde.

Régions[amendaer | modifier le wikicode]

  • Y'a 22 régions dans la grand' tèrre d'la France :

1. Alsace
2. Atchitaine
3. Auvèrgne
4. Bâsse-Nouormandie
5. Bourgouongne
6. Brétangne
7. Centre
8. Champagne-Ardenne
9. Corse
10. Franche-Comté
11. Haute-Nouormandie

12. Île-dé-France
13. Languedoc-Roussillon
14. Limousîn
15. Lorraine
16. Midi-Pyrénées
17. Nord-Pas-d'Calais
18. Pays d'la Loire
19. Picardie
20. Pouaitou-Charentes
21. Provenche-Alpes-Côte d'Azu
22. Rhône-Alpes

FranceRegionsNumbered.png
  • Et y'a 4 régions hortes la grand' tèrre d'la France :
  1. Guadéloupe
  2. Dguyanne
  3. Martinnique
  4. Réunnion

Viyiz étout[amendaer | modifier le wikicode]