Voir la source de Jèrri

* {{nrm}} '''Jerri'''
* {{je}} '''Jèrri'''
* {{gu}} '''Jerri'''
* {{ser}} '''Djeri'''
{{art-jer}}
{| border="1" cellpadding="2" cellspacing="0" style="margin:0 0 1em 1em; float:right; width:290px;"
|+ <big>'''Bailliage dé Jèrri<br /> '''</big>
|-
|style="background:#efefef;" align="center" colspan="2"|
{| border=0 cellpadding=2 cellspacing=0
|-
|align="center" width="140px"|[[File:Jersey flag 1.jpg|125px|La couleu d'Jèrri]]<br />[[Couleu d'Jèrri|(en détail)]]
|align="center" width="140px"|[[File:Coat of Arms of Jersey.svg|125px|L'Êtchusson d'Jèrri]]<br />[[Média:Coat of Arms of Jersey.svg|(pus grand)]]
|}
|-
|colspan="2" align="center"|[[File:LocationJersey.png|250px|Où'est qu'est Jèrri?]]
|-
||[[Langue officielle|Langues officielles]] 
|[[Angliais]], [[Français]] ([[Jèrriais]] r'connu coumme [[langue régionale]])
|-
|[[Capitale]] 
|[[Saint Hélyi]] 
|-
|[[Chef d'êtat]]
|Charles III du Royaume Unni
|-
|[[Gouvèrneux d'Jèrri|Lieut'nant Gouvèrneux]]
|Lieut'nant-Génétha John McColl
|-
|[[Bailli d'Jèrri|Bailli]]
|Messire Timothy Le Cocq
|-
|[[Chef Minnistre dé Jèrri|Chef Minnistre]]
|Sénateu John Lé Fondre
|-
|[[Monnaie]] 
|[[Louis d'Jèrri]] (êtchivalent du [[louis stèrling]])
|-
|[[Zone dé l'heuthe]] 
|[[Coordinated Universal Time|UTC]] ([[Nouvelle heuthe|DST +1]])
|-
|[[Antienne]]s 
|[[Ma Normandie]]<br />[[Dgieu sauve la Reine|Dgieu sauve la Rouai]]
|-
|[[Fête nâtionale]] 
|[[9 Mai|9 d'Mai]]: [[Jour dé la Libéthâtion]]
|-
|[[TLD|Întèrnet TLD]] 
|[[.je]]
|-
|[[Code à phôner]]
||+44-1534
|}

'''Jèrri''' est un [[bailliage]] ès [[Îles d'la Manche]]. Lé [[Bailliage dé Jèrri]] contcheint l'île dé Jèrri, et tchiques p'tites [[île]]s et [[Rotchi|rotchièrs]] à l'entou, l's [[Êcrého]]s, les [[Mîntchièrs]], les [[Pièrres dé Lé]] et d'aut's.

Jèrri est eune [[dépendance d'la Couronne]] tchi n'est pon partie du [[Rouoyaume Unni]] ni d'l'[[Unnion Ûropéenne]] nitout, mais l'gouvèrnément d'sa majesté en Londres est responsable pour l'île. Il est eune démocratie parlémentaire et une monarchie. La Reine d'Jèrri est la Reine Elizabeth II ([[Lîzabé II du Rouoyaume Unni|Lîzabé II]]).

== Histouaithe ==
À chein tch'i' pathaît, les preunmié pèrsonnes tchi vîsitaient Jèrri 'taient des chasseurs du temps [[Paléolithique]] y'a dans les 280,000 ans. Ch'est en tchi, à chu temps-là Jèrri n'tait pon eune île, mais eune manniéthe dé [[hoummet]] au mitan d'la grande pliaine où'est qu'est lé [[Ch'na]] au jour d'aniet. Viyant qu'i' n'y'avait pon d'mé à s'pather chein tchi s'n allait dév'nîn la [[Grande Brétangne]] et l'[[continnent]] d'[[Ûrope]], des troupieaux d'bêtes – d's [[êléphant laineux|êléphants laineurs]], des [[chèr]]s, des [[rhinocéros]] – soulaient siéthe les [[saîson]]s l'travèrs d'la pliaine souôtre lé bouôn pâtuthage. Les chasseurs, ieux, soulaient siéthe les bêtes et i' lus abriyaient dans des caves dans les falaises du hoummet tch'est achteu Jèrri. Nou-s'a dêfoui d's os et d's ôtis des cheins tchi v'naient en Jèrri à chu temps-là à La Cotte dé Saint Brélade. Chein qu'les chasseurs soulaient faithe 'tait d'chasser l's êléphants laineurs amont les vaux du Sud d'Jèrri jusqu'ès falaises dé Saint Brélade. L's êléphants tchiyaient ava et les chasseurs à grîmper ava à seule fîn d'les machacrer.

Mais ches chasseurs n'restaient pon à d'meuther en Jèrri car i' siévaient les bêtes. Les preunmièrs à d'meuther en Jèrri vîntent d'la Grand' Tèrre quand Jèrri d'vînt eune île. La [[mé]] montit y'a dans les 10,000 ans et bétôt Jérri d'vînt un [[Longis|longis d'tèrre]] quâsîment entouothé dg'ieau. Pouor y'a dans les 8,000 ans la mé montit acouo et Jèrri d'vînt eune île. Ch'est à chu temps-là qu'des fèrmièrs et [[pêtcheux|pêtcheurs]] crouaîsîtent lé [[Ruau]] et vîntent démeuther en Jèrri. Ch'est à craithe qu'i' bâtîtent des cauminnes en bouais au bord d'la mé, mais ch'tait ches fèrmièrs-là tchi bâtîtent les [[pouquelaye]]s.

Y'avait des systèmes d'organnîsâtion entré les cheins d'Jèrri et les cheins d'la Grand' Tèrre pouor pouver bâti des monuments coumme La [[Hougue Bie]], et y'avait du conmèrce entré les contrées à l'entou.

Les Romains vîntent en Jèrri, mais i' sembl'ye qu'il' aimaient mus lé hâvre dé [[Saint Pièrre Port]] en Dgèrnésy. Y'avait sans doute tchique village dans les [[mielle]]s où'est qu'est Saint Hélyi au jour d'aniet, mais l'[[archéologie]] n'a pon trouvé combein grand qu'i' 'taient les bâtisses. Tout coumme nou peut vaie au jour d'aniet les d'lacres d'un p'tit templ'ye Gallo-Romain (un ''fanum'') au [[Lé Pinnacl'ye|Pinnacl'ye]] ès Landes.

Dans un dotchument du {{4e siècl'ye}} tch'a nom l' ''Itinnéthaithe d'Antonîn'' y'a eune liste d'îles à l'entou des côtes du Ch'na tchi contcheint sans doute les noms d's Îles d'la Manche. L'întèrprétâtion est difféthente s'lon lé bord dé ioù'qu nou viage par les côtes et tch'est qu'i' sont les mèrs dêcrits mais i' sembliéthait qu'à chu temps-là Jèrri avait nom en [[Latîn]] ''Andium''.

Auprès la tchête dé l'Empithe Romain, Jèrri et les contrées à l'entou 'taient acouo des tèrritouaithes ès tribus Gallo-Romains. I' sembl'ye qu'lé nom d'l'Île à chu temps-là 'tait ''Angia'', ou ofûche ''Agna''.

La [[Chrêtchienneté]] fut apportée en Jèrri par Saint [[Hélyi]] et d'aut's saints missionnaithes: [[Méen]], [[Romard]], [[Brélade]], [[Samson]], [[Maglouaithe]], [[Marcou]]. Duthant l'[[Mouoyen Âge]], y'avait des [[mouaine]]s et des nonnes tchi d'meuthaient dans des [[monastéthe]]s ou des p'tites commeunautés ès côtes. Y'avait un monastéthe à l'Île Agouais.

L's Îles d'la Manche duthant l'Mouoyen Âge 'tait souos la contrôle des Ducs dé [[Brétangne]], mais i' sembl'ye qu'des [[Viking]]s vîntent colonnîser des parties d'Jèrri pouor l'{{9e siècl'ye}}. Ch'est à chu temps-là qu'Jèrri r'chut san nom [[Norrouais]]. Nou n'est pon seux entouor l'originne du nom. La fîn du nom vînt d' ''–ey'' tchi veurt dithe ''île'', mais y'a des difféthentes théories pouor la preunmié partie du nom. En [[933]] l's Îles fûtent încorpouothées dans l'Duché d'Nouormandie.

Pouor la fîn du {{10e siècl'ye}} les églyises pârouaîssiales et lus pâraisses 'taient êtablyies. La populâtion d'Jèrri éthait deu monter à tchiques mille gens pouor pouver justifier eune adminnistrâtion d'même. La stabilité et la paix d'l'adminnistrâtion Nouormande sembl'ye aver pèrmîns un dêv'loppement trantchil'ye pouor bein d's années. La [[Contchête Nouormande]] d'l'Angliétèrre en [[1066]] né sembl'ye pon aver disteurbé la vie en Jèrri, mais la s'pathâtion d'1204 copit l'histouaithe dé Jèrri d'la cheinne d'la Grand' Tèrre et d'pis chu temps-là Jèrri a 'té entré ches deux forches Ûropéennes: l'[[Angliétèrre]] et la [[France]].

À la siette dé [[1204]], des fanmil'yes fûtent divîsées et nou-s'eût à décider sus tchi tèrre rester et à tchi rouai rester louoya. Les [[Constitutions du Rouai Jean]] sont considéthées la fondâtion du gouvèrnément dé sé d's Îles d'la Manche – mais nou n'crait pon qu'i' y'ait janmais ieu un dotchument d'même. Ch'est en tchi les prîncipes siévies par l'[[Jean d'Angliétèrre|Rouai Jean]] en gardant la fidélité d's Îlemans fûtent confirmées à la siette par les chartes dé libèrté baillies par les rouais d'auprès – ch'tait en confirmant les Constitutions du Rouai Jean qu'nou-s'avait grée ches constitutions avaû l's années.

En tout cas, l'[[Vièr Châté]] fut bâti à [[Gouôrray]] sus les vielles défenses à seule fîn d'protégi Jèrri et abrier les Gouvèrneurs tchi fûtent appouaintés.

En [[1279]] l'Rouai Douard I baillit un sceau à trais léopards au Bailli, v'là tch'est l'originne dé l'êtchusson d'Jèrri.

D'pis [[1290]] y'a ieu deux baillis pouor les deux bailliages ès Îles. Les Connêtabl'yes et les Vîngt'nièrs sont mentionnés pouor la preunmié fais en [[1462]].

Lé hèrtchîn entré les cheins du Rouai d'Angliétèrre et les cheins du Rouai d'France continnuait duthant les {{13e siècl'ye}}, {{14e siècl'ye}} et {{15e siècl'ye}}. Duthant l's attaques, nou faîthait sèrvi l'[[Châté d'Grosnez]] et les Câtchieaux d'La Trinneté coumme un abri pouor achteu des cheins tchi v'naient saccagi l'Île.

Ch'est au {{16e siècl'ye}} qué nou trouve lé dêv'loppement êcononmique dé Jèrri.

En [[1483]], lé Pape accordit la neutralité ès Îles duthant les [[dgèrre]]s entré l'Angliétèrre et la France. Les Îlemans pouvaient don faithe du conmèrce auve les deux bords.

En [[1496]] lé Pape quémandit qu'l'adminnistrâtion eccliésiastique des Îles sait pâssée d'l'Êvêque dé [[Coutanches]] à l'Êvêque dé [[Salébiéthe]], mais rein n'fut entréprîns pouor chenna. Lé Pape annulit chutte quémande en [[1500]] et c'mandit à la pliaiche lé pâssage d'l'adminnistrâtion à l'Êvêque dé [[Ouînchêtre]]. Acouo eune fais rein n'fut fait.

Les Chent'nièrs sont mentionnés pouor la preunmié fais en [[1502]].

En [[1542]] lé Gouvèrneux d'mandit ès Êtats d'env'yer deux députés au [[parlément]] à Westminster. Des députés n'fûtent pon env'yés.


* La [[Batâle dé Jèrri]]

== Politique ==

Lé [[parlément]] d'Jèrri est l's [[Êtats d'Jèrri]], y'a 49 membres êlus:

* 8 [[Sénateu]]rs
* 12 [[Connêtabl'ye]]s
* 29 [[Député]]s

Dé 2022:

* 12 Connêtabl'yes
* 37 Députés

Y'a étout:
* lé Bailli tchi préside
* lé [[Douoyen d'Jèrri]] (tch'a l'drouait d'pâler ès d'bats mais tchi n'vote pon)
* l'Avocat-Génétha d'la Reine (tch'a l'drouait d'pâler ès d'bats mais tchi n'vote pon)
* lé Protchuleux-Génétha d'la Reine (tch'a l'drouait d'pâler ès d'bats mais tchi n'vote pon)

== Géographie ==

[[File:Pâraisses dé Jèrri.jpg|thumb|350px|Les pâraisses dé Jèrri]]
[[Fichier:Usage_d'la_tèrre_en_Jèrri.png|vignette|301x301px|L'usage d'la tèrre d'Jèrri]]
Jèrri est eune île tchi m'suthe 118.2 tchilomètres cârrés. Oulle s'situe dans lé [[Maunche (mé)|Ch'na]], alentou 12 milles nautiques du [[Côtentin]]. Oulle est la pus grande d's [[Îles d'la Manche]].

Alentou 24% dé l'île est urbanisé. 52% est dêdié à la tchultivâtion et 18% à l'envithonnement natuthé.

Jèrri est dîvisé en 12 [[Pâraisse|pâraisses]]. La pus grande est St Ouën et la pus p'tite est St Cliément. La topographie dé l'île est mèrtchie par des vaux.

* [[Saint Hélyi]] 
* [[Saint Saûveux, Jèrri|Saint Saûveux]]
* [[Saint Cliément, Jèrri|Saint Cliément]]
* [[Grouville]]
* [[Saint Martîn, Jèrri|Saint Martîn]] 
* [[La Trinneté, Jèrri|La Trinneté]]
* [[Saint Jean, Jèrri|Saint Jean]]
* [[Sainte Mathie, Jèrri|Sainte Mathie]]
* [[Saint Ouën, Jèrri|Saint Ouën]]
* [[Saint Pièrre, Jèrri|Saint Pièrre]]
* [[Saint Brélade, Jèrri|Saint Brélade]]
* [[Saint Louothains, Jèrri|Saint Louothains]]

Les [[pâraisses dé Jèrri]] sont dîvisées en ''[[vîngtaine]]s'' (ou à St. Ouën, ''[[tchilliette]]s'').

Lé [[Connêtabl'ye]] est à la tête dé châque pâraisse et r'présente la [[meunicipalité]] ès Êtats.

== Êconomie ==
Les pus grand's îndustries sont les [[finnances]], lé [[tourisme]] et l'[[agritchultuthe]].

La [[vaque dé Jèrri]] est la seule race dé [[Vaque|bêtes à cônes]] pèrmînse en Jèrri d'pis [[1789]]. Lé [[lait]] est hardi riche.

La [[patate]] [[Rouoyale dé Jèrri|Rouoyale]] est tchultivée dans les [[côti]]s.


=== Taxes et împôts ===

Jèrri a des taxes mais il est souvent hêlé un "hâvre des taxes" ou un "pathadis fiscal". Y'a l'împôt des marchandises et des sèrvices (GST en angliais).
=== Monnaie ===
[[File:Dual currency cash machines in Jersey.jpg|thumb|Chutte [[machinne à sou]] donne un chouaix d'billes, Angliaîches ou Jèrriaises]]

==== Pièches ====
Les pièches dé Jèrri ont un portrait d'la [[Lîzabé II du Rouoyaume Unni|Reine]], lé Duc, sus la fache.

Les portraits sus l'driéthe des [[pièches dé Jèrri]]:

* 1p [[Lé Ho]] 
* 2p L'Hèrmitage dé Saint [[Hélyi]]
* 5p L'Avathîson
* 10p La [[Pouquelaye]] d'[[Faldou]]
* 20p la [[veue]] d'[[La Corbiéthe]] 
* 50p Lé [[châté d'Grosnez]]

== Transports ==
Lé transport prîncipal en Jèrri est lé moto. Y'a un drannet des rues dé 557 km. N'y'a d'aut' c'mîns d'fé en Jèrri, mais y'a des beusses. La compangnie des beuesses a nom LibertyBus. Y'a un drannet pour les bikes qui consist dé 11 routes.

== Populâtion ==

La populâtion d'Jèrri, comme estînmée en 2019, est 107,800. La populâtion officielle est dêtèrminnée par les r'censements, fait par l's Êtats touos les dgix ans. Le r'censement dèrnyi est pris en 2021, toutefais les rêsultats ne sont pas acouo lâchis. Don ches statistiques-chîn sont dé 2011.

En 2011, la populâtion 'tait 97,857, dutchel 64,353 'taient d'l'âge dé travas. La pus grand' parâisse est St Hélyi. Des habitants, 50% sont dé prov'nanche Jèrriaise (ores qu'sèl'ment 46.6% sont "Jèrriais"), et 31% sont des aut' Îles Britanniques. Y'a des populâtions d'înmigrés, ité qu'les Portûndgais (7%), les Polonnais (3%) et l's Irlandais (2%). Y'a eu eune craîssance înmense d'la populâtion Portûndgais d'pis 1981.

40% d'la populâtion sont mathiés et 20% sont démâthiés, s'pathés ou remathiés

=== Populâtion historique ===
{| width="50%" cellspacing="0" cellpadding="3" border="0" 
||[[1821]]:
||28,000
|- 
||[[1831]]: 
||36,582 
|- 
||[[1841]]: 
||47,556 
|- 
||[[1851]]: 
||57,020 
|- 
||[[1861]]: 
||55,613 
|- 
||[[1871]]: 
||56,627 
|- 
||[[1881]]: 
||52,455 
|- 
||[[1891]]: 
||54,518 
|- 
||[[1901]]: 
||52,576 
|- 
||[[1911]]: 
||51,898 
|- 
||[[1921]]:
||49,701 
|- 
||[[1931]]: 
||50,462 
|- 
||[[1940]]: 
||41,101 
|- 
||[[1951]]: 
||57,310 
|- 
||[[1961]]: 
||63,550 (59,489 sans compter les vîsiteurs)
|- 
||[[1971]]: 
||72,303 (69,329 sans vîsiteurs)
|- 
||[[1976]]:
||74,470 (71,018 sans vîsiteurs)
|- 
||[[1981]]: 
||76,050 (72,970 sans vîsiteurs)
|- 
||[[1986]]
||80,212
|- 
||[[1991]]
||84,082
|-
|2001
|87,186
|-
|2011
|97,857
|}


:Populâtion par pâraisse (2001):

* St Brélade	10 134
* St Cliément	8 196
* Grouville	4 702
* St Hélyi	28 310
* St Jean	2 618
* St Louothains	4 702
* Ste Mathie	1 591
* St Martîn	3 628
* St Ouën	3 803
* St Pièrre	4 293
* St Saûveux	12 491
* La Trinneté	2 718


Densité d'la populâtion (2004) 760 hab/km2


Originne ethnique ou tchultuthelle (s'lon lé r'censement d'2001)

* Jèrriais	44 589 (51,1%)
* Britanniques	30 317 (34,8%)
* Portûndgais	5 548 (6,4%)
* Irlandais 2 284 (2,6%)
* Français 1 522 (1,7%)
* aut's Bliancs	1 980 (2,3%)
* Nièrs	255 (0,3%)
* Chinnouais 145 (0,2%)
* aut's Âsiatiques 180
* mêlés et aut's 366

== Tchultuthe ==
Jusqu'à l'é 19ème siècl'ye 19ème, l'jèrriais 'tait la langue des jèrriais. Duthant lé 20ème siècl'ye, la langue angliaise est dév'nue la langue mâjoritaithe d'l'île, à cause d'înfluence tchultuthelle britannique. 

L'île est connue pour la Batâle des Flieurs et ses produits agricoles comme les rouoyales Jèrriais et les vaques.

=== Mangi et baithe ===
[[File:Pais au fou, Jersey bean crock.jpg|thumb|Eune bollée d'pais au fou]]

* [[Cidre]]
* [[Mèrvelle]]s
* [[Nièr beurre]]
* [[Pais au fou]]
* [[Chaûdé]]
* [[Bourdélot]]

== Viyiz étout ==
* [[Commeunicâtions en Jèrri]]
* [[Transport en Jèrri]]
* [[Poste dé Jèrri]]
* [[Jersey Telecom]]

* [[Vièr Châté|L'Vièr Châté]]
* [[Caumine à Marie Best|La Caumine à Marie Best]]
* [[Hougue Bie|La Hougue Bie]]
* [[Moulîn d'Tchétivé|L'Moulîn d'Tchétivé]]
* [[Pièrre du Mitan d’l’Île|La Pièrre du Mitan d’l’Île]]
* [[Églyise dé Saint Matchi|L'Églyise dé Saint Matchi]]

== Lians hors ==
{{Commons|Jersey|Jèrri}}
* [https://web.archive.org/web/20060424071112/http://www.societe-jersiaise.org/geraint/jerriais/ Les Pages Jèrriaises] 
* [http://www.gov.je Êtats d'Jèrri]
* [http://www.jersey.com Tourisme dé Jèrri]
* [http://www.bbc.co.uk/jersey BBC Jèrri]

----

[[Category:Jèrri]]