Pâques

Cotentinais : Pâques
Jèrriais : Pâques
Serkyee : Paak

Ch't' articl'ye fut c'menchie en Jèrriais

Un portrait par Edward Burne-Jones: Et ou vit deux anges habilyis en blianc, assis là où'est qu'lé corps d'Jésû avait 'té, iun à la tête et l'aut' ès pids. I' li dîtent: Madanme, pouortchi qu'tu plieuthes? Ou rêponnit: Il' ont prîns man Seigneur et jé n'sais pon où'est qu'i' l'ont mîns. Ayant dit chenna, ou s'touônnit et vit tchitchun l'avant à lyi, mais ou n'savait pon qué ch'fut Jésû.

Pâques est la pus grande fête d'la Chrêtchienneté. Les Chrêtchiens fêtent la Résurrection d'Jésû.

Y'a des diffethentes couôteunmes l'travèrs du monde. Pouor c'menchi les Chrêtchiens n'font pon lus Pâques à la même date. L's églyises du Vouêt et les cheinnes d'l'Êst caltchulent les leunes s'lon un difféthent almonnas et dé couôteunme Pâques arrive un difféthent Dînmanche pouor les Catholiques et les Protestants d'un bord et pouor l's Orthodoxes d'aut' bord.

Pouor les cheins tchi jeûnent duthant l'Tchithême, Pâques mèrquent la fîn d'la r'nonchiâtion et l'învitâtion à un bouôn fricot – en Grêce nou mange sustout d'l'angné.

L's oeux sont un sŷmbole d'la vie r'nouv'lée. Dans des pays nou teint d's oeux, épis y'a d's oeux en chocolat d'vendus dans les conmèrces dans des pays.

En Jèrri, nou soulait graie sustout des mèrvelles et du sînm'né, et nou soulait aller baînitchi. Eune aut' vielle couôteunme du temps pâssé 'tait d'aller au Vièr Châté lé Lundi d'Pâques, car ch'tait là l'seul jour qué l'publyi pouvait y'aller en visîte. En Dgèrnésy nou-s'avait la mouissole dé Pâques.