Pièrre du Mitan d’l’Île
(Èrdirect dé par Pierre du Mitan d’l’Ile)
Ch't' articl'ye est êcrite en Jèrriais
|
La Pièrre du Mitan d’l’Île est eune pièrre dans la Rue des Sèrvais, à St. Jean en Jèrri tch'est souô-disant géographiquement au mitan même dé Jèrri.
I' sembl'ye qu'les gens halîtent la pièrre d’la pouquelaye d’La Hougue Breune (tch'a dispathu), mais quand tchi qué ch'fut, nou n'sait pon. Y'a des mèrques pré-historiques sus la pièrre.
Nou n'sait pon nitout quand tchi qu'la crianche qu'la pièrre mèrque lé mitan d'l'île quémenchit. Y'en a tchi dithent qué ch'tait des cacheurs d'cârosse pouor les vîsiteurs et les touristes tch'avaient raconté l'histouaithe, mais dé ioù qu'i' prîntent ch't avis-là est un mystéthe.
Achteu, y'a un êcritchieau sus la muthâle tch'explyique l'histouaithe.
