Robot

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Ouaithe qué l'înmage populaithe d'un robot sait eune manniéthe d'houmme en méta, la mâjorité des robots d'achteu sont des machinnes dans les mannifactuthes

Un robot est eune machinne tchi r'présente tchique caractéthe d'eune pèrsonne ou d'un annima.

Ch'fut l'auteu Tchèque, Karel Čapek, tchi fit sèrvi l'mot robot pouor la preunmié fais à seule fîn d'dêcrithe eune pèrsonne dé faichon. Lé mot robot vînt d'un mot Tchèque tchi veurt dithe corvée, mais les robots à Karel Čapek dans sa pièche dé thiâtre RUR 'taient pustôt des criatuthes organniques au run d'mécannique.

Avaû l's années les gens ont înmaginné des pèrsonnes dé faichon tchi f'thaient l'travas pouor ieux, faichonnées par la chorchell'lie ou la scienche.

Nou n'peut pon aîsiment s'pather les robots d'auve les machinnes. Si eune machinne èrsembl'ye à eune pèrsonne par s'n anatonmie - auve des mains ou des bras ou des gambes, nou dithait ofûche qu'ch'est un robot. Si la machinne peut mouontrer souô-dîthant d'l'întelligence, ché s'sait ofûche un robot.

La scienche des robots est la robotique. Des robots sont faits sèrvi dans des mannifactuthes et nou-s'a env'yé des robots en espace à seule fîn d'expliôrer. Y'a des machinnes tchi font sèrvi un bras robotique à seule fîn d'mannipuler dé tchi.

Commons-logo.svg

Y'a acouo d'tchi à vaie ou à ouï entouor
les robots
siez la C'meune à Ouitchimédia