Saint Bênard de Clairvaux

Bênard de Clairvaux
Saint Bênard en estatue à Troyes
Vie
Nom de naîté :	Bernard de Fontaine
Date de naîté :	1090
Lieu de naîté :	Câté' de Fontaine-lès-Dijon
Date de la mort :	20 d'aût de 1153 (63 ans)
Lieu de la mort :	Abbaye de Clairvaux
Natiounalité :	Reyaume de France
Vénération
Vénéré pa' :	Église catholique
Canounisation :	18 de janvier de 1174, par Alexandre III
Fête :	20 d'aût
Attributs :	Hardes chîterchiennes, croche, liv'e, blanc quien, reuque à mié'
Saint patron ès :	Chîterchiens, vocations mounâtiques, mouchiers à mié', chiriers ; Gibraltar

Bênard de Fontaine, abbé de Clairvaux, que nos counaît mieux sous le ménom de saint Bênard de Clairvaux, fut un mouène bourguignon qui naquit en 1090 à Fontaine-lès-Dijon et mourit le 20 d'aût de 1153 à l'abbaye de Clairvaux.

I' fut un grand réformateu' de la vie r'ligieuse en sen temps, un directeu' de conschienche conséquent ; i' promeut bellement l'ord'e cistercien (de l'abbaye de Chîtiaux) et s'n estyle d'espiritualité, basèye su' la r'cherche de l'amou' de Jésus et la mortification la pus dure, eut un bel effet su' l'Église de sen temps.

Toute sa vie durant, Bênard fit moûtranche d'eune inchessante activité dans l'instruction de ses mouénots à Clairvaux, afin d'émouver et de faire veni' les foules, pou' rallier s'n ord'e d'ot la papauté et pou' mett'e su' pieds un dogme combatti' qui peût servi' à toute l'Église.