Sainte Mathie

De Wikipedia
Aller à : navigation, rechercher

Ch't' articl'ye est liée doubl'ye : vaie Sainte Mathie (frouque). Disambig.svg

Ch't' articl'ye fut c'menchie en Jèrriais Jèrriais
L'Annonciâtion - la Chapelle ès Pêtcheurs, Jèrri

S'lon les Chrêtchiens, Sainte Mathie (Normaund de la Graund'Terre Sainte Marie) ou la Vièrge Mathie (Normaund de la Graund'Terre la Vyirge Marie) est la Méthe dé Dgieu.

Lé conte Biblyique[amendaer | modifier le wikicode]

S'lon chein tch'est raconté dans l'Nouvieau Testament, Mathie 'tait fianchie auve Joseph dé Nazareth d'la fanmil'ye du Rouai Dâvi. L'ange Gabrié lyi vînt annonchi qu'oulle avait 'té chouaîsie pouor donner naîssance au Messie par lé Saint Esprit, ouaithe qu'ou fûsse vièrge.

Dans un rêve, san bouonhoumme Joseph fut dgèrni qu'sa femme s'n allait donner naîssance à un êfant et qu'i' lî fallait l'atchilyi coumme sa bouonnefemme.

Mathie s'en fut vîsiter sa couôsinne Lîzabé, la méthe à Jean Bâptiste. Lîzabé lyi fit la beinv'nue coumme la méthe du Seigneu et la rêponse à Mathie a 'té rapportée dans la Bouonne Nouvelle coumme chein tch'est app'lé Magnificat dans la Litourgie.

L'Empéreu Romain c'mandit un r'censement et Joseph et sa fanmil'ye eûtent à r'aller à la ville dé ses anchêtres tchi 'tait Bethléhem. Là, Mathie donnit naîssance à un fis, Jésû, dans eune êtabl'ye car i' n'y'avait pon d'run dans l'aubèrge.

À seule fîn d's'êcapper d'la machacréthie du Rouai Hérode, la fanmil'ye s'en fûtent en Êgypte, mais rentrîtent à Nazareth pus tard.

Mathie 'tait là quand Jésû fit san preunmié mithacl'ye quand i' touônnit dé l'ieau en du vîn. À la crucifixion d'Jésû, ou 'tait au pid d'la crouaix. Oulle est mentionnée acouo eune fais quand l'Saint Esprit d'vale sus l's Apôtres à la Pentecôte.

Hors la Bibl'ye, y'a acouo des traditions entouor la Sainte Mathie.

Commons-logo.svg

Y'a acouo d'tchi à vaie ou à ouï entouor
Sainte Mathie
siez la C'meune à Ouitchimédia