Sannouiche

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Eune sannouiche

Eune sannouiche, ou eune beurrée (audgo sannouiche; Guernésiais doraïe), est eune bouochie faite auve deux tranches dé pain et d'tchi d'dans.

Y'en a tchi dithent qu'eune sannouiche est pustôt freunmée, faite auve deux tranches dé pain, et qu'eune beurrée est un but d'pain douothé d'beurre ou d'nièr beurre ou dé gelée, étc. Mais la mâjorité d'gens n'éthaient pon distîndgi d'même.

Lé mot sannouiche veint du nom du Comte dé Sandwich, un lord Angliais tchi soulait aimer tant jouer ès cartes qu’i’ n’voulait pon tchitter la gamme et c’mandait d’la viande entre deux tranches d’pain rôti – eune bouochie qu’i’ pouvait mangi sans graîssi sa pouongnie d’cartes.

Achteu y'a des sannouich'chies, des boutiques tchi vendent des sannouiches conv'nabl'yes pouor les dînnièrs ès clèrcots à mêjeu.

Eune beurrée d'nièr beurre

S'lon la couôteunme, en Jèrri nou n'soulait pon mett' deux graisses sus l'pain: beurre ou fronmage, mais pas les deux d'un temps.

Nou peut rôti les sannouiches et les mangi cauds. Nou peut coper des buts d'un long pain ou bein remplyi eune ban'se. Eune bourgaille est eune manniéthe dé sannouiche étout.

Commons-logo.svg

Y'a acouo d'tchi à vaie ou à ouï entouor
Sandwich
siez la C'meune à Ouitchimédia