F'nêt'

• Guernésiais : f'nête
• Serkyee : fneetr

Ch't' articl'ye fut c'menchie en Jèrriais

Des vielles fénêt's en Dgèrnésy

Eune fénêt' ( f'nêt') est un creux fait pouor laîssi pâsser la leunmiéthe ou l'air. Nou fait des f'nêt's dans des muthâles pouor êcliaithi l'appartément duthant l'jour ou pouor èrgarder l'travèrs. Dans un boulant, les f'nêt's en vèrre pèrmettent dé vaie sans êt' gêné trop du vent.

Y'a des difféthentes manniéthes dé f'nêt'. Dans eune églyise ou eune chapelle, les vèrrinnes sont des f'nêt's en vèrre dé couleurs tchi mouontre des portraits. À mié-c'mîn amont eune montée nou trouve ofûche eune fénêt' du d'gré. Eune pétite fénêt' dans eune porte a nom dget d'l'us, et dans eune muthâle eune lutchèrne, eune iliéthe ou eune ouïe.