Magâsîn

Ch't' articl'ye fut c'menchie en Jèrriais

Des magâsîns

Un magâsîn (Guernésiais : magasin) est eune publyicâtion tchi pathaît rédguliéthement, mais mains souvent qu'eune gâzette. Y'a des magâsîns tchi sont publiés châque sémaine, touos les tchînze jours, châque mais, touos les trais mais, ou autrément. Tchiquechose tch'est publié eune fais par an est pustôt un almonnas.

Un magâsîn est pustôt un livret d'articl'yes s'lon un thème: y'a des magâsîns pouor les femmes, pouor l's hoummes, pouor les mousses (des conmiques auve des sornettes en portraits), des magâsîns pouor des difféthents mêtchièrs, des magâsîns littéthaithes, politiques, et sus toutes sortes éd sujets.

Lé mot magâsîn veint, par l'Italien et l'Français, d'un mot Arabe tchi veurt dithe eune storre. En 1731 The Gentleman's Magazine fut fondé à Londres, lé preunmié magâsîn tchi proposit ès lecteurs d's articl'yes d'întéthêt génétha et des pièches littéthaithes – eune storre dé liéthie.

Parfais, un magâsîn est înmprînmé sus du papi d'miyeu qualité qu'eune gâzette, auve des portraits.

Des magâsîns Nouormands

• Les Nouvelles Chroniques du Don Balleine
• Le Pucheux
• Le Viquet

Gal'lie

• 
  La preunmié gâzette en Jèrri avait nom Le Magasin de Jersey (1784).
• 
  Punch
• 
  National Geographic
• Merz
  Merz