Supèrmarchi

• Cotentinais : supermarchi
• Jèrriais : supèrmarchi ( supèrmarchi)

Ch't' articl'ye fut c'menchie en Jèrriais

Dans un supèrmarchi en Allemangne

Un supèrmarchi est eune manniéthe dé grande boutique sans dêpartéments tchi vend toutes les manniéthes dé mangi et ofûche d'aut' chose étout.

Un supèrmarchi peut êt' en ville ou bein à la campangne auve d'la parqu'thie.

Ch'fut ès Êtats Unnis d'Améthique qu'les preunmièrs supèrmarchièrs fûtent dêv'loppés ès années 1920s. Ch'est en tchi les grandes boutiques né mênageaient pon d'faithe d'la compétition auve les boutiques dé carre – ouaithe qué nou pouôrrait amouocheler un amas d'tinnées et d'boêtées et offri un tas d'chouaix, i' fallait emplyiyer un tas d'boutitchièrs à seule fîn d'sèrvi les pratiques et v'là tchi n'êpaîngnait pon d'sou. Nou décidit don dégraie un système dé sèrvice dé sé: l's acateurs avaient à chouaîsi eune pann'lée d'acats épis les présenter à eune câsse où'est qu'nou caltchul'lait. Coumme chennechîn, un p'tit nombre d'emplyiyés pouvaient sèrvi un grand bâtisse et un fliotchet d'acateurs – et v'là tchi donnit pus d'profit à la compangnie.

Un tchéthiot d'supèrmarchi

Mais l's acateurs pouvaient acater raîque eune pann'lée car s'il' avaient à râmasser lus acats lus-mêmes, né v'là tout ch'qu'i' pouvaient souôl'ver. En 1937, lé tchéthiot fut întroduit dans un supèrmarchi Améthitchain. En rempliant l'tchéthiot, l'acateux acat'tait acouo pus.

Auprès la S'gonde Dgèrre Mondiale, chutte manniéthe dé boutiqu'sie fut copiée en Ûrope. Lé preunmié supèrmarchi Britannique fut ouvèrt en 1947, et l'supèrmarchi arrivit à Paris en 1957.