Mammiféthe

Ch't' articl'ye fut c'menchie en Jèrriais

Nou vait bein qu'chutte catte est un mammiféthe coumme ou nouôrrit ses catons atout du lait

Les mammiféthes ( mammiféthe; Cotentinais : mamifères) sont d's annimaux à caud sang tchi nouôrrissent lus p'tchiots atout du lait tchi veint dé boutons, dé couôteunme sus l'estonma.

Quâsiment touos les mammiféthes donnent naîssance à des jannes vivants, mais la fanmil'ye dé monotrêmes tchi d'meuthent en Australie sont les seuls mammiféthes tchi ponnent d's oeux. Les marsupiaux d'Australie ont eune poutchette dans tchi lus p'tchiots peuvent téter.

Y'a des mammiféthes tchi d'meuthent dans la mé – la fanmil'ye des baleines, des dauphîns et des pourpais, et y'a des mammiféthes coumme les loups-mathîns tchi nagent pustôt.

Les caûque-souothis volent, et nou trouve des mammiféthes partout dans l'monde.

Histouaithe

Les mammiféthes êvoluîtent duthant l'Âge Jurassique, y'a dans les 150 millions d'années, mais i' restaient des p'tites bêtes jusqu'à ch'qu'les dinosaures fûssent hors y'a dans les 65 millions d'années.

Viyiz étout

• J'va
• Lion
• Marmoûset
• Tchian
• Vaque
• Jaqùet
• Bête à chavettes