Art Déco

Ch't' articl'ye fut c'menchie en Jèrriais

Eune maîson Art Déco à Saint Brélade, Jèrri

L' Art Déco 'tait un mouvement d'art, dé design et d'architectuthe tchi dêv'loppit dans l's années 20s et 30s du 20^e siècl'ye.

Lé nom d'chu mouvement fut prîns d'eune grande exhibition dé design tchi prînt pliaiche à Paris en 1925: Exposition Internationale des Arts Décoratifs et Industriels Modernes. Nou l'app'lait étout Style Modèrne et ch'fut raîque ès années 60s quand y r'eût d'l'întéthêt dans l'Art Déco qu'chu nom-là d'vînt l'pus populaithe.

Tch'est qu'i' 'tait l'Art Déco? Y'avait d's înfluences exotiques - des patrons d'art Afritchain, Méxitchain, Êgyptien et tout chenna, v'là tchi prînt d'l'avo du Tchubisme et du Post-Împressionisme. Les nouvieaux mouoyens d'mannifactuthe et d'la machinn'nie êmoûtchîtent un întéthêt dans l'acyi et l'aluminium.

L'ièrre des transports, d's avions, des trains et des grands navithes, tchi d'mandait des formes sînmpl'yes înspithit du design arrondi.

• 
  Art Déco à Saint Hélyi
• 
• 
  Bâtisse Chrysler
• 
  Pal-Bell Art Déco à Maurice Ascalon

Viyiz étout

• Églyise dé Saint Matchi