Podîn d'Noué

Ch't' articl'ye fut c'menchie en Jèrriais

Un podîn d'Noué ( podîn d'Noué) est un fricot qu'nou mange dé couôteunme à Noué. Ch'est un podîn grée auve des frits, tch'est bouoilli. Lé podîn d'Noué Jèrriais est un podîn d'flieu mais ch'est l'podîn Angliais tch'a rempliaichi l'podîn Jèrriais siez bein des gens en Jèrri.

Lé podîn d'Noué Jèrriais[amendaer | modifier le wikicode]

L's îngrédgiens:

500ml dé flieu
250ml dé mies d'pain
200g dé gras d'viande mînchi tout p'tit (ou 200g dé beurre)
200g dé chucre
4 oeux
des raisîns, des corînthes ou des frits
d'la muscade (ou d'aut's êpices s'lon san goût)
deux d'gouts dg'ieau d'vie (s'nou-s'en veurt)

L'èrchette:

Nou prend pouor c'menchi l's îngrédiens sés (sans les frits) et les mêle dans eune bolle. Nou-s'ajouôte les oeux et d'bat l'mêlange. Nou-s'ajouôte les frits (ofûche nou peut les tremper dans l'ieau d'vie). Nou vèrse lé tout dans eune podinniéthe bein graîssie et nou tchuit l'podîn à l'ieau un coupl'ye d'heuthes.