Nièrmont
Ch't' articl'ye est liée doubl'ye : vaie Nièrmont (frouque). 
Ch't' articl'ye fut c'menchie en Jèrriais
|
Nièrmont (
Nièrmont; gallicîsé: Noirmont) est un nez et eune vîngtaine dans la pâraisse dé Saint Brélade en Jèrri.
Lé nez d'Nièrmont s'trouve entré la Baie d'Saint Aubîn et l'Portélet. Lé nez fut acaté en 1950 par l's Êtats d'Jèrri coumme monument ès cheins tchi mouothîtent duthant la S'gonde Dgèrre Mondiale.
À Nièrmont y'a:
- la Hougue des Vîndes
- la Tou d'Vînde
- lé Mangni d'Nièrmont
- des fortificâtions Allemandes
-
Nièrmont veu d'la Baie d'la Ville -
Nièrmont veu d'la caûchie d'Saint Aubîn -
Des fortificâtions Allemandes
Envithonnement
[amendaer | modifier le wikicode]D'vant la dgèrre, nou soulaithe faithe sèrvi les landes dé Nièrmont pouor lé pâtuthage. D'pis qu'la tèrre fut laîssi paître ès coucous, y'a tout pliein d'ronches, dé bouais et d'aut' niêtholes coumme la gérémienne pèrchepièrre (Carpobrotus edulis) tchi craît par les falaises. Nou-s'a c'menchi à d'sèrter tout chenna pouor en faithe eune Pliaiche d'Întéthêt Spécial (Nièrmont fut proposé coumme d'ité en 1995 s'lon la Louai sus la Pliann'nie).
Y'a des pliantes rares tchi craîssent là-bas: des gênottes (Romulea columnae), et d'aut's.
Nou soulait y vaie des raînottes et des crapauds, mais eune êtrueûlée d'pesticide en 1987 tuîtent ches p'tites bêtes. Les crapauds sont r'vénus et nou-s'a r'lâtchi des raînottes là d'pis à seule fîn d'les r'întroduithe.
Diton
[amendaer | modifier le wikicode]- Quand Nièrmont met san bonnet, ch'est sîngne dé plyie