Voir la source de V'nise

* {{nrm}} '''Venise'''
* {{je}} '''V'nise'''

{{art-jer}}
[[File:Venice iko 2001092.jpg|thumb|Ch'est l'Grand Canné tchi crouaîse la ville dé V'nise en forme d' ''S'']]
'''V'nise''' (en [[Italien]] ''Venezia'' ; en [[Vénitien]] ''Venexia'') est eune [[ville]] du Nord d'l'[[Italie]] tchi fut fondée sus un amas d'[[île]]s. La populâtion est dans les 272,000, dé tchi dans les 62,000 d'meuthent dans la grande île, 31,000 dans l's îles, et 176,000 dans les villes et villages du bord du [[lagon]].

== Histouaithe ==
S'lon la légende la ville fut fondée en [[422]] par des Romains tchi fiêsaient la Tchête dé [[Rome]]. Probabliément nou-s'avait c'menchi à settler dans les [[mathais]] et sus les [[hoummet]]s du lagon sans [[mathée]]s d'pis l'{{2e siècl'ye}}. Pouor la fîn du {{6e siècl'ye}} lé pouvé d'l'Empithe des Byzantîns 'tait raîque dans la carre du Nord-Êt (la contrée d'[[Ravenne]] et à l'entou). Des caûchies fûtent grées ès bords du lagon. La tchête du pouvé Byzantîn à Ravenne en [[751]] laîssit un fliotchet d'chefs locaux. Lé chef des cheins du lagon avait r'chu l'titre dé ''[[duc]]'' dé l'Empéreu à [[Constantinopl'ye]], et ch'est l'duc tchi d'vînt lé ''doge'' dans la langue du pays.
[[File:Canaletto - The Piazza San Marco in Venice - Google Art Project.jpg|thumb|Un portrait d'la Pièche Saint Mar dé [[Canaletto]]]]

Au {{9e siècl'ye}} lé doge s'èrmuit à l'île Rialto et v'là tchi c'menchit la bâtithie d'la fanmeuse ville dé V'nise – la preunmié [[basilique dé Saint Mar]], lé palais ès Doges, les [[Canné|cannieaux]] et les [[pont]]s tchi r'lient l's îles. En 828 les [[r'lique]]s dé Saint Mar fûtent volées d'[[Alexandrie]] et pliaichies dans la basilique.

Du {{9e siècl'ye}} au {{12e siècl'ye}} V'nise dêv'loppit coumme un empithe mathitînme dans la [[Mé du Mitan]]. Pouor l'{{13e siècl'ye}} la [[républyique]] dé V'nise attriotchit du conmèrce et d'l'art. Les grandes fanmil'yes tchi contrôlaient la républyique souos la présidenche du Doge (êlu la vie duthante) faîthaient d'la compétition pouor la décothâtion d'lus palais.

Pouor la fîn du {{15e siècl'ye}} V'nise 'tait la deuxième grande ville d'l'Ûrope, auprès [[Paris]].

Duthant la [[R'naîssance]] et l'[[Baroque]] des artistes et des sounneurs 'taient empliyés à V'nise:
* [[Antonio Vivaldi]]
* [[Canaletto]]
* [[Giovanni Gabrieli]]
* [[Giovanni Battista Tiepolo]]
* [[Paolo Veronese]]
* [[Giorgione]]

L'avanche d'l'Empithe des [[Ottomans]] au {{16e siècl'ye}} et la centralîsâtion d'pouvé dans les grands rouoyaumes d'[[Ûrope]] arrêtîtent l'avanche dé la Républyique dé V'nise. La ville et ses tèrritouaithes restaient împortants dans l'conmèrce et partitchuliéthement par ses mannifactuthes dé [[vèrre]] par exempl'ye.

En [[1797]] la Républyique fut contchéthie par [[Napoléon Bonaparte]] et v'là tchi fut la fîn d'l'îndépendance dé V'nise (sénon duthant tchique mais d'révolution en [[1848]]-[[1849]]). En [[1798]] l'[[Autriche]] prînt la ville. Lé rouoyaume Napoléonnien d'Italie prînt la ville s'lon un accord d'[[1805]] mais l'Autriche r'eût la ville auprès la tchête dé Napoléon en [[1814]].

En [[1866]] V'nise fut încorpouothé dans l'Rouoyaume d'Italie.

== Transport ==
[[File:Venice 221.jpg|thumb|"J'ai veu lé ciel dé l'Italie/Et V'nise et ses gondolièrs"]]
V'nise est la pus grande pièche en Ûrope sans [[vaituthe]]s. Lé [[transport]] dans la ville est à pid ou en [[baté]]. Lé baté à nagi dé couôteunme dé V'nise est la ''gondole'', mais ch'est pustôt des batchieaux-beusses tchi tchithient les gens par les cannieaux au jour d'aniet.

En [[1846]] un pont dé [[c'mîn d'fé]] fut bâti entré V'nise et Mestre, eune ville du bord du lagon. En [[1933]] un pont tch'avait nom ''Ponte del Littorio'' fut bâti pouor les boulants tch'ont à partchi dans eune parqu'thie sus l'but d'l'île. Chu pont fut r'bâptîsi ''Ponte della Libertà'' auprès la tchête du [[Fascisme]].

L'[[aéroport]] dé V'nise tch'a nom ''Marco Polo'' s'trouve à Tessara à 13 km dé V'nise et à 8 km dé Mestre.

{{Commons|Venezia|V'nise}}


{{DEFAULTSORT:Vnise}}

[[Category:Villes]]
[[Category:Italie]]