Chapelle Sistinne
Ch't' articl'ye fut c'menchie en Jèrriais
|
La Chapelle Sistinne est eune chapelle au Vatican.
La bâtithie d'la chapelle fut c'mandé par lé Pape Sixtus IV et l'travas fut entréprîns entré 1473 et 1484. La preunmié mêsse dans la nouvelle chapelle prînt pliaiche lé 9 d'Août 1483.
La chapelle a 40.93 mètres dé long et 13.41 mètres dé laize. Ch'est s'posément la même grandeu qu'lé Templ'ye dé Salomon s'lon l'Vièr Testament.
En 1508 lé Pape Julius II c'mandit la peindrie du pliafond en fresque par Michélange à seule fîn d'rempliaichi lé pliafond originna tchi mouontrait d's êtailes dans un bliu ciel. Michélange finnit san travas sus l'pliafond en 1512.
Quand les cardinnaux ont à chouaîsi un nouvieau Pape, i' sont bârrés dans la Chapelle Sistinne où'est qu'i' votent.
