Êtaile

De Wikipedia

Ch't' articl'ye est liée doubl'ye : vaie Êtaile (frouque). 

Ch't' articl'ye fut c'menchie en Jèrriais
Y'a un tas d'êtailes dans les C'mîns d'Saint Jacques tch'est not' galaxie

Eune êtaile (audgo êtaile; Guernésiais : ételle, Serkyee : etel, Cotentinais : éteile) est dé tchi dans l'Unnivèrs tchi lit par la réaction nucléaithe. Lé Solé est eune êtaile.

L's êtailes sont nées dans des nouages dé gaz quand la forche dé gravité râmasse assez d'tchi pouor qué la réaction nucléaithe peut stèrter. L'ênèrgie lâtchie par ches réactions empêche la r'tréch'chie d'l'êtaile.

Dans la fusion nucléaithe, l'hydrogène est changi en d'aut's êléments pus b'sants. Pouor la puspart d'lus vie, l's êtailes changent lus hydrogène en hellium. Coumme la part d'hélium dans l'êtaile monte, l'êtaile déveint pus lithante et pus caude.

Manniéthes d'êtaile[amendaer | modifier le wikicode]

  • Un brun ragot est eune êtaile tchi n'a janmais stèrté – oulle est trop p'tite pouor souôt'nîn les réactions nucléaithes.
  • Un rouoge ragot est eune pétite êtaile tchi brûle sa fouâle d'hydrogène bein douochement. I' sont trop p'tits pouor stèrter la fusion d'hellium, et don i' né d'veinnent pon des rouoges giants.
  • Un jaune ragot est eune êtaile tch'est à brûler sa fouâle d'hydrogène. Lé Solé est un jaune ragot. Un jaune ragot s'en va dév'nîn un rouoge giant.
  • Un rouoge giant est eune êtaile tch'a brûlé la puspart d'sa fouâle d'hydrogène, et tch'a grandi et r'fraidgi. Lé nouoyau d'hellêium déveint pus b'sant et la réaction d'hellium peut c'menchi.
  • Un bliu giant est eune grande êtaile hardi lithante tch'est en vouaie dé dév'nîn eune supèrnouvelle êtaile.
  • Un rouoge supèrgiant est la pus grande (mais pas la pus b'sante) des êtailes.
  • Un blianc ragot est eune êtaile sus l'pus. Quand un rouoge giant a brûlé toute sa fouâle, ou pèrd ses couoches dé d'houors et tout chein tch'est laîssi est l'nouoyau d'êléments pus b'sants tchi c'menche à s'èrfraidgi bein douochement.
  • Un nièr creux est un amas dé tchi la gravité est si forte qué rein n'peut s'y êcapper. Nou crait qué quand eune êtaile est si b'sante qu'ou n'peut d'aut' sé souôt'nîn, sa matchiéthe s'sa collapsée en un brîn d'run.

Viyiz étout[amendaer | modifier le wikicode]

Y a co' de quei à vei' ou à ouï' entou'
l's êtailes
sus les Coumuns à Viquipédie