Main

De Wikipedia
Ch't' articl'ye fut c'menchie en Jèrriais
La main
Tupaia javanica, Homo sapiens

La main (Cotentinais : man, Guernésiais : môin) est eune partie du corps au but du bras des gens et des marmoûsieaux avanchis (des prînmaux). Les dés et l'pônchet opposabl'ye sont capabl'yes dé gaffer dé tchi: eune branque ou du mangi, par exempl'ye, et l'mannier. Si l'pônchet n'est pon opposabl'ye, nou dithait pustôt qu'ch'est eune patte.

Les dés[amendaer | modifier le wikicode]

La couleu d'Jèrri La couleur dé Guernési La bannyire de S. Olav
lé pônchet gros deigt
lé preunmié dé l'arideigt
lé maître dé mouss'cotin
Jean des sceas Jean des sceaus
lé p'tit dé p'tit quérouin

Drouaite et gauche[amendaer | modifier le wikicode]

La mâjorité des gens sont des dêtrièrs - dans les 80% - et avaû les siècl'yes nou s'est mêfié des gaûchets et lus a bein souvent oblyigi d'faithe sèrvi la main drouaite pouor êcrithe. Achteu dans bein des pays nou considéthe qu'ch'est compliètement acceptabl'ye pouor les gaûchets d'faithe sèrvi la main gauche.

Y'a tchiqu's'uns tchi peuvent faithe sèrvi les deux mains d'la même manniéthe - ch'est d's ambidêtrièrs (un ambidêtri/eune ambidêtriéthe).

Des couôteunmes[amendaer | modifier le wikicode]

Châtchi d'main

Nou châque dé main pouor atchilyi tchitch'un.

Ditons[amendaer | modifier le wikicode]

  • Mains fraides, tchoeu sain
  • Fai du bein à un vilain, i' t'êcopitha dans la main
  • L'"M" dans la main annonche malheu
  • La puche à la main, l'galant n'est pon liain
  • Un ouaîsé dans la main vaut mus qué l'chein tchi vole
  • La main m'pique, j'èrchév'thons des sou

Arînmée[amendaer | modifier le wikicode]

Y'a d's arînmées pouor nommer les dés:

  • Jèrriais : Ponchot, lippot, longis, malassis, Pièrre des côtis

Y a co' de quei à vei' ou à ouï' entou'
Hand
sus les Coumuns à Viquipédie