Église orthodoxe

De Wikipedia
Aller à la navigation Aller à la recherche
Le Christ Pantocrator à Sainte-Sophie de Coûtantinob'e.
L'Église orthodoxe dans le monde achteu'.

L'Église orthodoxe, co' couneue sous les noms d'Église ès Sept Conchiles ou de Coumeunion Orthodoxe, est d'ot ses 280 millions de bapteyés dans le monde la tierce gragneure confession chrétienne su' la planète.

R'lations ent'e l'Église orthodoxe et l'Église catholique[amendaer | modifier le wikicode]

L'Église orthodoxe et l'Église catholique se sont dessevrèyes p'tit-à-p'tit à parti' de 1053, mais que des tensions se fussent faite senti' ent'e le patriarcat de Coûtantinob'e (Église byzantène, qui allait deveni' l'Église orthodoxe) et le sien de Rome (Église latène, qui allait deveni' l'Église catholique d'achteu').

Nos ouït souvent pâler du schisme de 1053, mais i' faudrait ainchais pâler d'eun estrangement à coumenchier de ch'te date-chi, rapport qu'i' n'y eut mèche de schisme en 1053 et que la séparation ent'e les Églises n'avint qu'amprés. Che ne fut veire qu'amprés l'assaut occhidenta' su' Coûtantinob'e en 1204, oû moument de la quatrième Crouésade, et amprés le cho' que che fut pou' le monde byzantin, que les r'lations ent'e les deux mondes devind'ent reides mauvaises et que l'Église chrétienne, qui jusqu'ilo' 'tait demeurèye eunie coume a' pouvait, se fendit en deux mondes qui ne voulirent pus mais coumeuniquier.

Amprés le Conchile Vatican II, pusieurs théologiens, et en particulier Yves Congar, mît'ent l'acchent su' la réeunification de l'Église catholique et de la chelle orthodoxe qui serait à souhaiter, et amprés chenna les Papes coumenchirent à voulei' pâler d'ot les Patriarches orthodoxes. I' y eut des reussites, même si que le quemin est co' long avant eune réeunification des deux Églises.