Églyise dé Saint Matchi

De Wikipedia
Sauter à la navigation Sauter à la recherche
Ch't' articl'ye fut c'menchie en Jèrriais Jèrriais
Un autel d'anges en vèrre par Lalique

L’Églyise dé Saint Matchi est eune églyise Anglyicanne au Dou dé D’mi à St. Louothains en Jèrri tch'est mus connue par san mênom AngliaisGlass Church – oulle est bein fanmeuse pouor tout l’vèrre tch’a ‘té fait sèrvi dans la dêcorâtion.

L’Églyise fut bâtie en 1840 coumme eune chapelle d’aise pouor les cheins d’la contrée à seule fîn qu’i’ n’fûssent pon oblyigis d’aller amont l’Mont Félard pouor aller ès sèrvices dans l’Églyise Pârouaîssiale.

Dans l’s années 30, Lady Trent, dêdgèrpie du preunmié Lord Trent dé Nottingham, fondateu dé Boots l'apotitchi, dêcidit d’èrdêcorer l’églyise – tchi s’trouvait pas bein liain d’sa maîson – en mémouaithe dé s’n houmme. Lady Trent ‘tait eune Jèrriaise tchi s’mathyit auve Jesse Boot (tchi d’vînt lord pus tard).

Oulle empliyit l'maît'-vèrryi Français René Lalique et l’architecte Jèrriais A.B. Grayson tch’înstâllîtent les nouvelles dêcorâtions dans l’églyise en 1934.