Baûchet
- Cotentinais : bâochet
- Guernésiais : ---
- Jèrriais : baûchet, baûtchet (
baûchet)
Ch't' articl'ye fut c'menchie en Jèrriais
|
Lé baûchet est eune bouaisson fèrmentée faite atout du myi. En Jèrri, nou soulait baithe étout eune manniéthe dé chutte bouaisson tchi 'tait pus forte et tch'avait nom vitoué ou vitot (dé ioù qu'nou-s'a l'mot "envitoué").
Nou n'fait d'aut' dé baûchet en Jèrri, mais ch'est fait dans des pays. L'histouaithe du baûchet est pus vielle qu'la cheinne du vîn. En Grêce, y'a huit mille ans nou b'vait du baûchet. Dans les pays du Nord d'l'Ûrope, nou faîthait du baûchet car lé clyînmat 'tait trop fraid pouor lé vèrjus et don pouor la faîs'sie d'vîn. Les dgieux Norrouais, s'lon la crianche, soulaient baithe du baûchet, et nou dit qu'l' ambraisie, la bouaisson des dgieux Grècs, 'tait eune manniéthe dé baûchet.
La couôteunme d'pâsser eune leune dé myi auprès des neuches veint souô-disant du baûchet qu'nou soulait baithe duthant les fêtes.
