Boulangu'thie

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Eune boulangu'thie

La boulangu'thie (audgo boulangu'thie) est ofûche:

  • la boulangu'thie (Guernésiais fouor, fouar; Serkyee bulãgri, Normaund de la Graund'Terre bouolang'gie) tch'est eune boutique, siez l'boulandgi (Guernésiais baiqueur, fourniaeux; Serkyee bulãdji), tchi vend du pain, des ban'ses, des gâches et des pâtchieaux – v'là tchi veurt dithe étout lé pain et la gâchinn'nie en génétha;
  • la boulangu'thie ou l' fouânnîn (Guernésiais fouor, fouar, Normaund de la Graund'Terre fouo, fouor) tch'est un p'tit bâtisse ès fèrmes et grandes maîsons dans tchi qu'nou fouângnait;
  • la boulangu'thie tch'est l'action d'boulandgi ou fouângner (Guernésiais fourniaïr; Serkyee ãnfurne).

Nou soulait acater du pain fraîchement fouângné siez la boulangu'thie, sénon qu'nou fouângnait siez sé. Achteu dans des pays îndustrialîsés ch'est bein souvent qu'lé pain est fouângné dans des mannifactuthes et vendu ès supèrmarchièrs tchi font d'la compétition contré les p'tites boulangu'thies dé carre. Y'a des grands supèrmarchièrs tch'ont êtablyi des boulangu'thies dans lus boutiques à seule fîn d'attriotchi d's acateurs.

Nou peut distîndgi eune boulangu'thie et eune pâtich'chie, mais ch'est bein souvent qu'nou trouve la boulangu'thie et la pâtich'chie ensembl'ye.

Ditons[amendaer | modifier le wikicode]

  • eune douzaine au boulandgi
  • I' vaut mus payi l'boulandgi qué l'docteu