C'mîn d'fé

De Wikipedia
Ch't' articl'ye fut c'menchie en Jèrriais
Des trains dans eune stâtion par Claude Monet

c'mîn d'fé (audgo c'mîn d'fé; Cotentinais : quemin de fé) est un mouoyen d'transport par tchi qu'des ouadgîns boulent avaû des lîngnes dé méta (pustôt d'l'acyi).

Histouaithe[amendaer | modifier le wikicode]

Dans les touos vièrs temps, y'avait des tchéthettes tchi 'taient halées l'long dé des cacheurs creusés dans des pavés. Au 16e siècl'ye nou faîthait sèrvi des lîngnes en bouais pouor dgider des tchéthettes. Ch'fut en Angliétèrre qu'les preunmié c'mîns fûtent grées en d'vièrs la fîn du 18e siècl'ye. Ches c'mîns 'taient pouor la hal'lie d'cartchaîsons ès mannifactuthes et ès caûchies d'canné – les tchéthettes ou ouadgîns 'taient halés ès j'vaux.

En 1804 Richard Trevithick êprouvit un engîn à stînme sus un c'mîn d'fé à Merthyr Tydfil en Galles. Ch't engîn n'rêussit pon car i' 'tait trop b'sant pouor les lîngnes dé fé.

En 1807 un c'mîn d'fè halé ès j'vaux dé Souan'sé à Mumbles atchilyit des pâssagièrs – ch'fut l'preunmié c'mîn d'fé ès pâssagièrs payants du monde.

En 1811 John Blenkinsop dêv'loppit un engîn à stînme pouor lé c'mîn d'fé des minnes dé tchèrbon d'Middleton. Ch'fut l'preunmié c'mîn d'fé conmèrcial à stînme. Chu c'mîn d'fé avait d'l'engrénage sus les lîngnes.

Rocket à George Stephenson
C'mîn d'fé

George Stephenson dêvlopp'it un système sans engrénage pouor lé c'mîn d'fé d'Stockton et Darlington en 1825. Chu c'mîn d'fé mêlait la hal'liè à jva et la hal'lie à stînme, mais chenna prouvit qu'lé stînme 'tait praticabl'ye pouor lé transport.

Lé c'mîn d'fé d'Liverpool et Manchester fut plianné coumme un c'mîn à stînme – ch'fut l'preunmié c'mîn d'fé à stînme sans j'vaux du monde. Lé c'mîn fut ouvèrt en 1830 et l'Député d'Liverpool William Huskisson fut l'preunmié tchi fut tué par un train quand y'eût un accident l'jour d'l'ouvèrtuthe officielle lé 15 dé Septembre 1830.

Y a co' de quei à vei' ou à ouï' entou'
lé c'mîn d'fé
sus les Coumuns à Viquipédie