Caumine à Marie Best

De Wikipedia
Sauter à la navigation Sauter à la recherche
Ch't' articl'ye est êcrite en Jèrriais Jèrriais


La Caumine à Marie Best

La Caumine à Marie Best est eune p'tite blianche maîson dans la Baie d'St. Ouën en Jèrri tch'a sèrvi d'mèr pouor les navidgants pouor bein d's années.

Au jour d'aniet oulle appartcheint au National Trust dé Jèrri (et est connue étout souos l'nom Le Don Hilton, ayant 'té présentée au Trust par la Danme M. G. Hilton en mil neu chents septante-chînq).

Chu bâtisse est mentionné dans les r'cords pouor la preunmié fais en mil siêx chents souaixante-chînq coumme la Maîson d'Garde dé St. Pièrre. Auprès eune expliôsion d'poudre lé bâtisse fut r'bâti en mil sept chents souaixante-chînq. I' fut dêcrit comme eune batt'tie au dgiêx-neuvième siècl'ye.

Marie Best sembl'ye aver 'té la fil'ye d'eune cèrtaine Mèrdgitte Carrell (née en mil sept chents chînquante-six) tchi s'mathyit auve un soudard Angliais, Adam Best, en mil sept chents huiptante-tch'ieune. Lé coupl'ye eut eune fil'ye, Mèrdgitte ou Marie, d'vièrs mil sept chents nénante.

Eune achie d'la vétheule dans l'vaîthinné d'St. Ouën en mil sept chents nénante-chînq tuit chent-tch'iuns soudards, et la fanmil'ye Best lus êcappîtent à la p'tite caumine ava sus la côte. Marie Best y r'vînt pus tard dans sa vie.

En 2006, un portrait d'la caumine au couochant 'tait sus la couvèrtuthe dé l'almonnas d'téléphone dé Jèrri.