Claude Tresmontant

Claude Tresmontant fut un philosophe français qui naquit le 5 d'août de 1925 à Paris et mourut le 16 d'avri' de 1997 dans ch'te meîme cité. Tresmontant fut un fin counaisseu' de l'hébreu et du gré', i' fit sa vie durant un traval épleitant su' le judaîme et le chrîtianîme et su' la féchon dont, achteu' maishî que nos savons tant grâche à la schience, nos pouvons amanchi' le créatiounîme judéo-chrétien d'ot l'évolutiounîme.

Memb'e de l'Académie des Schiences morales et politiques, Claude Tresmontant fut itout professeu' de philosophie médiévale et de philosophie des schiences à la Sorbonne. Sen traval épleitant pour un meilleur entendement du judéo-chrétianîme et sen raccoumodage d'aveu' les avanchies de la schience, à eune époque yoù le monde intellectué' parisien ne veyait dans la r'ligion qu'eune palanquie de diries sans vérité, li valit d'êt'e récompensé pa' le prix Maximilien-Kolbe en 1973 et pa' le grand prix de l'Académie des Schiences morales et politiques en 1997.