Cratéthe

De Wikipedia
Sauter à la navigation Sauter à la recherche
Ch't' articl'ye fut c'menchie en Jèrriais Jèrriais
Lé cratéthe Victoria sus la plianète Mars

Un cratéthe (audgo cratéthe) est un creux pustôt rond dans la tèrre tch'a 'té fait ofûche par la heurtéthie d'un rotchi météorique, ou par eune expliôsion. Lé bachîn du haut d'eune montangne dé feu peut êt' un cratéthe étout.

Nou vait des cratéthes sus la Leune – ch'est chein tch'i' rest d'la heurtéthie d'rotchièrs sus la susfache avaû les millénaithes. Y'a des cratéthes sus d'aut's plianètes et leunes du système solaithe, et y'en a étout sus la Tèrre ouaithe qué l'action d'l'atmosphéthe et du temps a êtchuthé quâsîment touos les cratéthes ichîn bas.

En Ûrope, y'a des cratéthes météoriques par exempl'e en Estonnie, à Kaali en Saaremaa, mais nou vait mus les cratéthes dans les d'sèrts où'est qu'i' n'sont pon muchis par la vèrduthe. Y'a d's exempl'yes dans les d'sèrts d'l'Améthique du Nord.

Les cratéthes dé heurtéthie ont souvent eune « muthâle » à l'entou ou'èst qu'lé tèrrain a 'té poussé amont. Dans des grands cratéthes nou vait tchiquefais un mondrîn au mitan où'est qu'eune louême dé heurtéthie r'arrive au pouaint d'heurtéthie.

Dans des cratéthes volcanniques ou faits par d's expliôsions souôtèrrainnes ch'est qu'la tèrre tchait bas et ch'est pustôt qu'lé tèrrain a êcrouôlé.

Commons-logo.svg

Y'a acouo d'tchi à vaie ou à ouï entouor
les cratéthes dé heurtéthie
siez la C'meune à Ouitchimédia