Crouaix
(Èrdirect dé par Croués)
Ch't' articl'ye est êcrite en Jèrriais
|
Eune crouaix (Guernésiais : kérouaïe, Cotentinais : croués, 
krwee) est un sŷmbole dé deux lîngnes tchi lus crouaîsent en êtchèrre. Lé sŷmbole a 'té connu d'pis les touos vièrs temps dans dé difféthentes formes.
En Vielle Êgypte, l'ankh - eune crouaix à yi - 'tait l'sŷmbole d'la vie.
Les Chrêtchiens atchilyîtent la crouaix à seule fîn d'èrprésenter lus fouai d'pis qu'Jésû-Christ fut crucifié.
Des manniéthes dé crouaix:
- crouaix Celtique
- crouaix d'Lorraine
- crouaix d'Malte
- crouaix d'St. George
- crouaix d'St. André
- crouaix Grècque
- crouaix Latinne
- crouaix Russe
Des pliaiches
[amendaer | modifier le wikicode]En Jèrri y'a la Crouaix d'Bouais, les Hautes Crouaix, la Crouaix d'la Batâle et un tas d'aut's "crouaix" sustout où'est qu'nou-s'avait mâté des crouaix d'vant la R'formâtion quand nou pitchit bas toutes les crouaix.
