Faithe braithe les peîles

Ch't' articl'ye fut c'menchie en Jèrriais

Faithe braithe les peîles ( faithe braithe les peîles) est eune couôteunme qué nou soulait pratitchi l'travèrs d'la Nouormandie et la Brétangne. Nou l'fait acouo par des bords en Brétangne, et nou-s'a ravigoté la bachinn'nie en Jèrri à ches drein.

Nou fait braithe les peîles à la St. Jean pouor chasser les mauvais esprits. I' faut un bachîn, un ros (du jonc) et dé l'ieau. Deux pèrsonnes peuvent faithe braithe la peîle: iun tchi tcheint l'ros sus l'bord du bachîn, l'aut' à traithe lé ros auve de mains mouoillies. La tressonn'nie du ros fait tressonner tout l'bachîn et nou vait coumme tchi qu'l'ieau bouort et danse. La braithie fait eune manniéthe dé mûsique.

Nou m'ttait d'la coutell'lie dans l'bachîn à seule fîn qu'ou brîmbalîsse et saûticotîsse.

Au jour d'aniet, nou fait braithe les peîles ès fêtes pouor encouothagi la tchultuthe dé Jèrri.