Gâzette

De Wikipedia
Ch't' articl'ye fut c'menchie en Jèrriais
Nou liet eune gâzette pouor l'înformâtion et pouor l'pliaîsi

Eune gâzette (audgo gâzette; Guernésiais : gazaette) oubyin jouônâ est eune publyicâtion rédguliéthe pouor donner les dreines nouvelles. Dé couôteunme eune gâzette est împrînmée sus des fielles dé papi tchi sont pus grandes et d'pus bâsse qualité qu'les pages d'un magâsîn. Y'a des gâzettes tch'appathaîssent touos les jours ou eune fais par s'maine, mais y'en a tch'appathaîssent pus qu'eune fais par s'maine ou ofûche eune fais par mais.

Magasin de l'Île de Jersey, preunmié gâzette publiée en Jèrri, 1784

Ouaithe qu'les gâzettes (nou les mênomme étout les papièrs) saient publiées pouor annonchi les nouvelles, i' contcheinnent étout ofûche des commentaithes, des portraits, d's avis, des sornettes en portraits, d's annonches et d'aut's articl'yes d'întéthêt. Les gâzettes peuvent cont'nîn d'la littéthatuthe étout.

Les gâzettes les pus populaithes du monde sont les cheinnes du Japon - Asahi Shimbun (dans les 12 millions d'lecteurs), Mainichi Shimbun (dans les 5 millions d'lecteurs) et Yomiuri Shimbun (dans les 14 millions d'lecteurs).

La gâzette la pus populaithe en Ûrope est Bild-Zeitung en Allémangne tch'a d'vièrs 4 millions d'lecteurs.

Jèrri[amendaer | modifier le wikicode]

Gazette de Césarée en 1812

D'pis 1959 la seule gâzette rédguliéthe a 'té la Gâzette du Sé (Jersey Evening Post). Y'a ieu tchiques compétiteurs tchi fûtent lanchis mais tchi n'pouvaient pon sténer la compétition.

La preunmié gâzette en Jèrri fut Le Magasin de Jersey (1784).

Guernési[amendaer | modifier le wikicode]

  • Comet
  • Guernsey Evening Press
  • La Gazette de Guernesey
  • Le Bailliage
  • Star

Y a co' de quei à vei' ou à ouï' entou'
les gâzettes
sus les Coumuns à Viquipédie