Gouvèrnément

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais


Dans la politique, un gouvèrnément (audgo gouvèrnément) est l'corps exétchutif tchi gouvèrne un êtat, un pays ou un tèrritouaithe.

Si l'gouvèrnément d'un pays est dans les mains d'eune pèrsonne, nou dit qué v'là tch'est eune dictatuthe. Autrément y'a dé difféthentes manniéthes dé gouvèrnément démocratique.

Dans un système parlémentaithe, lé gouvèrnément est l'pus souvent êlu par lé parlément, ofûche les minnistres sont êlus par lé parlément, ofûche lé gouvèrnément est souôt'nu en blio par eune mâjorité parlémentaithe.

Dans un système présidentiel, ch'est l'chef d'êtat êlu tch'appouainte lé gouvèrnément. Y'a étout l'système mié-présidentiel, coumme en France, où'est qu'lé pouvé exétchutif est châré entre un président et un gouvèrnément responsabl'ye d'vant l'parlément.