Grand Pataflias

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
L'Unnivèrs est à agrandi.

Grand Pataflias (audgo Grand Pataflias; en Angliais: Big Bang) est un nom tch'a 'té donné à la théorie, atchilyie par l'pus grand nombre dé scientistes tch travâlent dans la cosmologie, tch'explyique l'originne dé l'Unnivèrs. S'lon chutte théorie y'a dans les 13.7 billions d'ans eune seule taque cont'nait tout l'Unnivèrs. Chutte taque 'tait bein p'tite, hardi b'sante et divèrsément caude. Tout ch'qu'i' y'a – l'espace, lé temps tchi pâsse, et la matchiéthe – fut grée quand chutte taque s'êtrueûlit.

En 1927 Georges Lemaître publyit ses r'chèrches tchi mouontrit qu'l'Unnivèrs est à agrandi. Albèrt Einstein èrfusit d'accepter l'idée qu'l'Unnivèrs pouvait agrandi. Lemaître proposit qu'si l'Unnivèrs dév'nait pus grand, il éthait deu c'menchi hardi p'tit – il app'lit lé p'tit Unnivèrs l' atonme prînmitive.

En 1949, l'astronome Fred Hoyle tchi proposait eune aut' théorie, l'Êtat Stabl'ye, s'motchit d'la théorie à Lemaître et la bâptîsit un big bang. Pouor l's années 1960, l's obsèrvâtions astrononmiques faites avaient donné pus d'têmouongnages en faveu du Grand Pataflias.