Greffage d'organnes

De Wikipedia
Ch't' articl'ye fut c'menchie en Jèrriais
Greffage d'organnes (1968)

greffage d'organnes est eune opéthâtion médicale pouor greffer eune organne d'un corps dans l'corps d'un aut'. Dé couôteunme chu greffage est fait à seule fîn d'rempliaichi eune organne tchi n'marche d'aut' à cause dé ma.

Y'a des difféthentes manniéthes dé greffage.

  • greffage dé sé est eune opéthâtion tchi prend eune partie du corps du pâcient à seule fîn d'l'èrfaithe sèrvi d'aut' bord dans l'corps du même pâcient - par exempl'ye, d'la ou des muscl'yes.
  • L'pus souvent l'greffage prend eune partie du corps d'un aut'. Pouor des rîngnons, d'la pé, un ponmon ou eune partie d'la faie, eune pèrsonne vivante peut offri d'ches parties sans souffri trop. Quand i' faut greffer un tchoeu, des ponmons, et d'aut's parties d'l'anatonmie, nou-s'a à s'fier à des morts.
  • xénogreffage est la faîs'sie sèrvi d'organnes d'aut's manniéthesbêtes pouor dgéthi les gens. L'pus souvent nou-s'a fait sèrvi des couochons et des vaques, mais les problièmes d'èrnonch'chie par l'système d'înmeunité du corps sont acouo hardi grands.

Y a co' de quei à vei' ou à ouï' entou'
l'greffage
sus les Coumuns à Viquipédie