John Laird, Baron Laird d'Artigarvan

De Wikipedia
Sauter à la navigation Sauter à la recherche
Ch't' articl'ye fut c'menchie en Jèrriais Jèrriais
John Laird, Baron Laird d'Artigarvan (2011)

L' Lord Laird est un politicien Nord-Irlandais, membre d'la Chambre des Lords du Rouoyaume Unni et supporteux d'la langue Scots d'Ulstèr.

John Laird fut né l'23 d'Avri 1944. San péthe, Norman D. Laird, dévînt député du parlément d'l'Irlande du Nord pouor lé distrit d'Ste Anne, Belfast. Ayant 'té bantchi, John Laird sé mînt sus les rangs en 1970 pouor rempliaichi san péthe dans l'parlément quand san péthe mouothit. Auprès l'abolition du parlément d'l'Irlande du Nord en 1972, i' fut êlu en 1973 à l'Assembliée d'l'Irlande du Nord dans l'Belfast du Vouêt. Auprès la tchête d'l'Assembliée, i' travaillait dans l'Parti Unnionniste d'Ulstèr (Ulster Unionist Party).

I' mênagit eune compangnie d'èrlâtions publyiques, John Laird Public Relations, 1976-2005.

I' 'tait président du Boord o Ulstèr-Scotch 1999-2004.

I' fut êl'vé à la Chambre des Lords (titre à vie) en 1999 auve lé titre du Baron Laird d'Artigarvan.

Commons-logo.svg

Y'a acouo d'tchi à vaie ou à ouï entouor
Category:John Laird, Baron Laird
siez la C'meune à Ouitchimédia