Mielle

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais


Nou trouve des mielles sus Mars ainchîn qu'sus la Tèrre

Eune mielle (audgo mielle; Normaund de la Graund'Terre miêle) est un mont d'sablion gréé par lé vent.

Les monts d'sablion souosmathîns ou gréés par les louêmes sont des bancs d'sablion ou des banques.

Nou trouve des mielles dans les d'sèrts ou au bord d'la mé, mais nou peut trouver étout des mielles préhistoriques bein au liain d'la mé ou des d'sèrts où'est qu'il' ont 'té couvèrtes avaû les siècl'yes par d's actions géologiques ou clyînmatiques.

Y'a des mielles tchi sont pus ou mains stabiles, par exempl'yes en Jèrri où'est qu'i' sont couvèrtes dé melgreu (Ammophila arenaria) et d'aut's pliantes. Mais dans les d'sèrts les mielles sont r'muées par la ventâl'lie. I' sont dé couôteunme en forme dé craîssant, ou d'vaile, et i' peuvent êt' cachies par lé vent jusqu'à 100 mètres par an.