Montangne

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Matterhorn (ou l'Cervin) (4,478 m) est eune montangne ès Alpes

Eune montangne (audgo montangne; Guernésiais maontogne, Normaund de la Graund'Terre mountanne) est du tèrrain tch'est pus haut qu'la bâsse tèrre à l'entou. Nou dithait qu'eune montangne est pus haute qu'un mont, mais y'a bein des montangnes tch'ont nom mont.

Géographie[amendaer | modifier le wikicode]

Nou trouve souvent des montangnes en chaîne, sustout ès bords d'pliats tectonniques tchi lus rencontrent.

Un quart du tèrrain d'la Tèrre est montangneux. Nou-s'a caltchulé qu'la maîntchi d'l'Âsie est montangneuse, un tchièrs d'l'Améthique du Nord, un quart d'l'Ûrope, un chîntchième d'l'Améthique du Sud, dans les 17% d'l'Australie et raîque 3% d'l'Afrique.

  • Everest, (8,848 m) est la pus haute montangne du monde et la pus haute montangne en Âsie.
  • La pus haute montangne en Ûrope est l'Mont Elbrus (5,642 m).
  • La pus haute montangne en Améthique du Nord est l'Mont McKinley (6,194 m)
  • La pus haute montangne en Améthique du Sud est Aconcagua (6,962 m)
  • La pus haute montangne en Afrique est Kilimandgiaro (5,895 m)

Des montangnes[amendaer | modifier le wikicode]

Montangne dé feu[amendaer | modifier le wikicode]

Eune montangne dé feu ou montangne brûlante est eune montangne tch'a 'té grée par l'action volcannique d'la tèrre et poussée par l'rotchi fondu dé d'dans la Tèrre.

Montangne dé gliaiche[amendaer | modifier le wikicode]

File:CHC Bell 212 Iceberg Labrador.jpg
Eune montangne dé gliaiche en Labrador

Eune montangne dé gliaiche est eune îlegliaiche, s'pathée d'la couvèrtuthe dé gliaiche ès pôles, qu'nou trouve dans l's ochéans du Nord et du Sud.

Diton[amendaer | modifier le wikicode]

  • I' n'faut pon faithe eune montangne d'eune taupinniéthe
Commons-logo.svg

Y'a acouo d'tchi à vaie ou à ouï entouor
les montangnes
siez la C'meune à Ouitchimédia