Neunmétho

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Des neunméthos

Un neunmétho (audgo neunmétho) ou un chiffre (Guernésiais numerao, chiffre; Serkyee chifr; Normaund de la Graund'Terre chiffe) est un mouoyen d'èrprésenter les miettes dé m'suthe dans la compt'tie et l' caltchul.

Nou peut ofûche distîndgi les neunméthos (tchi sont du sens d'la tête) et les chiffres (les sŷmboles qué nou-s'êcrit) mais ch'n'est pon tout l'monde tchi sont d'avis d'même.

Les manniéthes dé neunméthos[amendaer | modifier le wikicode]

  • les neunméthos cardinnaux sont les cheins qu'nou fait sèrvi pouor m'suther: ieune, chent, mille...
  • les neunméthos ordinnaux sont les cheins qu'nou fait sèrvi pouor neunméthoter ou ordrer: preunmyi, chentchième, millième...
  • les neunméthos natuthels sont les neunméthos entchièrs: 1, 2, 3, 4, 5... mais y'en a tchi dîthent qué zéro est iun d'ches neunméthos natuthels.
  • les neunméthos entchièrs sont les neunméthos natuthels (auve zéro) et lus êtchivalents négatifs: ...5, 4, 3, 2, 1, 0, -1, -2, -3, -4, -5...
  • les neunméthos râtionnels sont les cheins qu'nou peut exprînmer en fractions (par mouoyen dé diviser deux neunméthos entchièrs): 1/3 (un tchièrs), 3/4 (trais quarts), 1/2 (eune maîntchi), 5/8 (chîn d'mié-quarts) et tout chenna. Touos les neunméthos entchièrs sont râtionnels car, par exempl'ye, 6/1 = 6.
  • les neunméthos irrâtionnels sont les cheins qu'nou n'peut pon exprînmer en fractions mais qu'nou peut exprînmer en décînmaux tchi continnuent à l'înfinni: la réchinne cârrée dé deux, pi et tout chenna.
  • les neunméthos réels sont touos les neunméthos râtionnels et irrâtionnels. Nou peut les r'présenter en décînmaux.
  • les neunméthos înmaginnathes sont des neunméthos tchi n'sont pon réels et d'tchi l'cârré est un neunmétho réel négatif.

Viyiz étout[amendaer | modifier le wikicode]

Commons-logo.svg

Y'a acouo d'tchi à vaie ou à ouï entouor
les neunméthos
siez la C'meune à Ouitchimédia