Ouallachie

De Wikipedia
Ch't' articl'ye fut c'menchie en Jèrriais
La Ouallachie (en jaune) en Roumanie

La Ouallachie est eune contrée d'la Roumanie. Ou s'trouve au Nord d'la riviéthe Danube et au Sud des Monts Carpatchiens du Sud.

La Prîncipaûté d'la Ouallachie fut fondée d'vièrs lé c'menchement du 14e siècl'ye par Basarab lé Preunmyi tchi r'voltit contre les Hongriens. En 1415, la Ouallachie fut souômînse à l'Empithe des Ottomans.

L's Ottomans contrôlaient l'tèrritouaithe par des prînces jusqu'au 18e siècl'ye quand y'eut eune siette dé dgèrres entre la Russie et l's Ottomans. La Russie otchupit la Ouallachie pouor la preunmié fais en 1768 et acouo auprès chenna.

En 1859 Alexandru Ioan Cuza fut êlu au trône des deux prîncipaûtés d'Ouallachie et d'Moldavie. La Ouallachie fut unnie dans eune unnion pèrsonnelle acanté la Moldavie, épis en 1862 l'unnion des prîncipaûtés fondit la Roumanie.

Y a co' de quei à vei' ou à ouï' entou'
la Ouallachie
sus les Coumuns à Viquipédie