Pînment

From Wikipedia
Jump to: navigation, search

Ch't' articl'ye est liée doubl'ye : vaie Piment (frouque). Disambig.svg

Ch't' articl'ye fut c'menchie en Jèrriais Jèrriais
Un rouoge pînment doux maîntchonné
Cachi 02.jpg

Du pînment (audgo pînment) ou piment est un frit d'la fanmil'ye Capsicum. Nou peut distîndgi du pînment doux, qu'nou mange coumme lédgeunme, d'auve du pînment pînmenté, qu'nou fait sèrvi coumme êpice.

Les pînments avaient 'té mangis et tchultivés en Améthique d'pis des millénaithes. Ch'tait ieune des preunmié récoltes connues ès Améthiques. À la siette d'lus arrivée en Améthique, les Ûropéens rapportîdrent du pînment en Ûrope, épis întroduîsîdrent la tchultivâtion d'la pliante en Âsie.

Les pînments doux sont d'la manniéthe Capsicum annuum tchi contcheint des vâriêtés pînmentées étout, et chenna auve du paîvre d'Cayenne, du paprika, et du jalapeño

D'aut's manniéthes tchultivées sont

  • Capsicum frutescens, tchi contcheint du tabasco
  • Capsicum chinense, tchi contcheint les pînments les pus pînmentés, coumme du habanero
  • Capsicum pubescens
  • Capsicum baccatum

Nou mange les pînments doux sait crus, ofûche dans des salades, sait tchuits, ofûche dans d's êtchuivées ou au fou.

Nou mange les pînments pînmentés pus à co coumme êpice, ofûche hadgis sus eune pizza, picliés, stchis et moulus, ou grées en sauce.

Commons-logo.svg

Y'a acouo d'tchi à vaie ou à ouï entouor
les pînments
siez la C'meune à Ouitchimédia