Pan

De Wikipedia
Ch't' articl'ye fut c'menchie en Jèrriais
Pan et Syrîngue

Pan est l'dgieu Grèc d'la natuthe tchi sé d'mente des gardeurs d'brébis et d'lus troupé.

Chu dgieu est r'présenté à maîntchi biche auve les cônes, la barbe et les gambes dé chutte bête-là. Il est un dgieu prînmitif tch'eut s'n originne en Arcadie, ofûche d'vant les dgieux d'Olŷmpe (dé tchi qu'i' n'est pon dans les rangs). Ch'est l'dgieu tch'êmôque la pannique ès cheins tchi rencontrent, mais il est étout r'connu pouor san pouvé érotique.

Il est souvent r'présenté auve l'înstrument d'musique dit pipes à Pan. S'lon chein qu'nou racontait, Pan couothait souotre eune nŷmphe tch'avait nom Syrîngue. Ou fut changie en ros pouor s'êcapper au dgieu; Pan copit d'ches ros pouor en faithe des pipes.

Y a co' de quei à vei' ou à ouï' entou'
Pan
sus les Coumuns à Viquipédie