Porchémue

De Wikipedia
Ch't' articl'ye est êcrite en Jèrriais


Eune veue d'Porchémue

Porchémue (en Angliais : Portsmouth) est eune ville en Angliétèrre. La ville a 'té ieune des pus împortantes caûchies d'pis bein des siècl'yes.

La ville est jeunm'lée auve Caën.

Histouaithe[amendaer | modifier le wikicode]

Les Romains avaient fondé un hâvre dans l' vaîthinné à Portchester, mais la fondâtion d'la ville même dé Porchémue fut entréprînse par un Nouormand, Jean d' Gisors, en 1180.

La ville fut bâtie preunmiéthement sus l'île dé Portsea tch'est achteu r'jouainte à la tèrre. Lé hâvre donne sus l'Solent, lé dêtrait entré l'île dé la Grande Brétangne et l'Île dé Witte, à l'entrée du Ch'na, v'là tchi faîthait eune mangnifique base pouor la Mathinne Rouoyale.

La Mary Rose, navithe du rouai, fut bâti à Porchémue en 1510 et capsaïzit dans l'Solent en 1545. Prêsèrvé souos l'sablion, l'navithe fut r'lévé en 1982 et achteu est exhibé dans un musée à Porchémue.

Lé navithe Victory, l'amitha au Lord Nelson duthant la Batâle dé Trafalgar, est exhibé étout à Porchémue.

L'Unnivèrsité d'Porchémue fut êtablyie en 1869 et d'vînt eune unnivèrsité en 1992.

Caûchie[amendaer | modifier le wikicode]

Eune sornette en portrait d'la vie à Porchémue au c'menchement du 19e siècl'ye

La compangnie Brittany Ferries fait couôrre des batchieaux d'Porchémue à Caën, Chèrbourg et Saint Mâlo. Temps pâssé y'avait des batchieaux entré Porchémue et l's Îles d'la Manche.

Gens[amendaer | modifier le wikicode]

Des gens d'Porchémue sont:

Un Jèrriais, Bèrtram Falle, dé tchi la maîson fut acatée et dêmolie par T.B. Davis pouor la pliant'tie du Par Howard Davis, fut êlu Député à Porchémue en mil neu chents dgix. Huit fais êlu à la Chambre des C'meunes, en mil neu chents trente-quat' i' fut êl'vé à la Chambre des Lords auve lé titre dé Lord Portsea. I' r'présentait l's întéthêts d's Îlemans duthant l'Otchupâtion à tigue dé corps. Nou dit qu'i' 'tait l'drein lord à êt' cachi rédguliéthement au Parlément dans eune cârrosse à deux j'vaux.

Y a co' de quei à vei' ou à ouï' entou'
Porchémue
sus les Coumuns à Viquipédie